Beliebte Verse in Tanatiako 3

Teilen

ꞌE te nuꞌu mai te ꞌAtua te rāua ꞌite, te meꞌe raꞌe he noho iŋa taꞌe hara, ꞌe te rāua huru: haumārū, riva ꞌe ꞌite i te moꞌa. A rāua takoꞌa nuꞌu māhatu ꞌaroha, uꞌi i te taꞌatoꞌa pē tū huru tahi ꞌā, kī i te parautiꞌa, ꞌe aŋa i te meꞌe riva-riva.

Mo ai ꞌi roto o kōrua te kope manaꞌu ko ꞌite ꞌā he aha te meꞌe tī-tika mo aŋa ꞌi te hora taꞌatoꞌa, e haka takeꞌa hai meꞌe riva-riva aŋa ꞌe hai taꞌe manaꞌu e hau rō atu a ia ki te rua, he huru o te nuꞌu haka tere i a rāua hai manaꞌu o te ꞌAtua.

Te nuꞌu aŋa mo ai o te haumārū ꞌi ruŋa i te henua te meꞌe ꞌoka he haumārū. ꞌE ꞌi te hora hopeꞌa te meꞌe ravaꞌa he meꞌe tano ki te mata o te ꞌAtua.

Te kona ai o te nou-nou, ꞌe o te haŋa mo raꞌe ꞌi te meꞌe taꞌatoꞌa, ꞌi ira e ai ena te mira-mira ꞌe rauhuru atu meꞌe taꞌe tano.

Hai ꞌarero a tātou e haꞌahana-hana ena i te ꞌAtua Matuꞌa ꞌe e tohu ena i te taŋata, ka ai atu i aŋa ai e te ꞌAtua hai huru ōꞌona. Mai roto i tū haha ꞌana e eꞌa ena te vānaŋa mo haꞌahana-hana i te ꞌAtua ꞌe pē ira ꞌā te vānaŋa taꞌe tano mo te rua taŋata. Te meꞌe nei ꞌina ko ai pē ira, e te taina ē.

ꞌE te ꞌarero pa he ahi ꞌā. He kona o te tātou hakari mai ira e poreko ena te meꞌe rake-rake haka ꞌōꞌone tahi i a tātou hai hara. Te ꞌarero e ura ena hai ahi mau era ꞌā o te pōꞌauahi koia ko te tutu ko te oho i te tātou noho iŋa ꞌi te ao nei.

ꞌE te ꞌarero, kai ravaꞌa ꞌā e te taŋata mo haka māŋaro ꞌo te ai he meꞌe hopeꞌa o te rake-rake taꞌe ravaꞌa mo haka noho, ꞌātā e tuꞌu rō ꞌana pa he meꞌe ꞌī e te veneno.

E te taina, taꞌe taꞌatoꞌa o kōrua mo maꞌori hāpī. E ꞌite rō ꞌā, paꞌi, kōrua: ꞌata hau te paŋahaꞌa o te ture o te ꞌAtua mo mātou mo te nuꞌu haka ꞌite i tāꞌana vānaŋa ki te tētahi nuꞌu.