Beliebte Verse in Aŋa o te ꞌĀpōtoro 11

Teilen

I ravaꞌa era he hoki ararua ki Antiokia. ꞌI ira i noho ai e tahi matahiti ꞌi muri i te nuꞌu haka moe i te manaꞌu ꞌi ruŋa i a Ietū e hāpī ꞌana meꞌe rahi nō atu nuꞌu. ꞌE, ꞌi ira ꞌi Antiokia, i nape iho ai i te nuꞌu hāpī ꞌa Ietū he ⌊kiritiano⌋.

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū. A Verenāvē he taŋata riva, ko ꞌī ꞌana e te pūai o te Vārua Maitai ꞌe e haka moe rahi rō ꞌana i te manaꞌu ꞌi ruŋa i a Ietū. ꞌO ira meꞌe rahi haka ꞌou nuꞌu i haka moe takoꞌa i te manaꞌu ꞌi ruŋa i a Ietū.

»Mo ai ia ko vaꞌai takoꞌa ꞌana e te ꞌAtua ki te nuꞌu era i te meꞌe vaꞌai mai e ia ki a tātou, ki te hūrio haka moe i te manaꞌu ꞌi ruŋa i a Ietū Kiritō, ¿ko ai a au mo haka noho i te meꞌe aŋa e te ꞌAtua? I ŋaroꞌa era e te taina taꞌatoꞌa o Hērutarema i te ŋā meꞌe nei, ꞌina kai ai haka ꞌou te vānaŋa mo kī ꞌe he haꞌamata he haka nui-nui i te ꞌAtua e kī era: «¡Ko te riva i te ꞌAtua i vaꞌai takoꞌa ai ki te nuꞌu taꞌe he hūrio i te rāveꞌa mo huri o te manaꞌu ki a ia ꞌe mo ravaꞌa e rāua i te ora ꞌāpī ꞌina he hopeꞌa raꞌa!».