Beliebte Verse in 1 Iovani 5

Teilen

A tātou, te nuꞌu haka moe i te manaꞌu ꞌi ruŋa i a Ietū, ꞌina he riꞌa-riꞌa mo no-noꞌi ki te ꞌAtua, he ꞌite o tātou: te ꞌAtua e haka roŋo rō mai ꞌana i te meꞌe no-noꞌi e tātou ana tano rā meꞌe ki tōꞌona manaꞌu.

ꞌE, ꞌi te ꞌite e haka roŋo rō mai ꞌana te ꞌAtua ki te tātou pure, e ꞌite takoꞌa nei: ꞌī i a tātou te meꞌe no-noꞌi era.

Te haŋa ki te ꞌAtua ko te meꞌe nei: he haꞌatura ki tāꞌana roŋo, ꞌe tāꞌana roŋo meꞌe taꞌe paŋahaꞌa. A tātou, te ŋā poki o te ꞌAtua, e ko ravaꞌa e te ao haka tere hai manaꞌu taŋata mo haka tapa mai te ara o te ꞌAtua. Hai haka moe, paꞌi, o te tātou manaꞌu ꞌi ruŋa i a Ietū, e rē nei a tātou ki te ao nei.

Te kope i a ia te Poki o te ꞌAtua, i a ia te ora ꞌāpī nei, ꞌe te kope ꞌina he Poki o te ꞌAtua i a ia, ꞌina he ora ꞌāpī i a ia.

E pāpaꞌi atu ena a au i te meꞌe nei mo ꞌite o kōrua, e te nuꞌu ⌊haka moe i te manaꞌu⌋ ꞌi ruŋa i te Poki o te ꞌAtua ē: i a kōrua te ora ꞌāpī ꞌina he hopeꞌa raꞌa.

Ko ꞌite ꞌana, paꞌi, e tātou ꞌina e tahi poki parautiꞌa o te ꞌAtua noho ꞌi roto i te hara. E hāpaꞌo rō ꞌana e te Poki o te ꞌAtua, ko Ietū Kiritō, ꞌe ꞌina e ko ravaꞌa mo haka puā e Rukifero.