Beliebte Verse in Čơdơ̆ng Phŭn 26

Teilen

Brơi ih dŏ jang jai ƀơi čar anai, Kâo či dŏ hrŏm hăng ih laih anŭn brơi tơlơi mơyun hiam kơ ih; yua kơ Kâo či pha brơi kơ ih laih anŭn kơnŭng djuai ih abih bang lŏn čar anai laih anŭn Kâo či ngă pơgiơ̆ng hĭ abih tơlơi Kâo hmâo ƀuăn rơ̆ng laih hăng Abraham, ama ih.

Kâo či ngă brơi ană tơčo ih lu kar hăng pơtŭ amăng adai laih anŭn pha brơi kơnŭng djuai ih abih bang tring anai. Abih djuai mơnuih amăng lŏn tơnah či dưi hmâo tơlơi mơyun hiam yua mơ̆ng kơnŭng djuai ih; yua kơ Abraham hmâo gưt laih hiăp Kâo, ngă tui abih tơlơi Kâo hmâo pơtô pơhrăm, khul tơlơi Kâo pơtă, tơlơi pơđar laih anŭn tơlơi juăt Kâo.”

Isak lui hĭ anih anŭn nao klơi sa boh ia dơmun pơkŏn dơ̆ng laih anŭn ia anai gơñu huaĭ rai pơrơsua dơ̆ng tah, hnŭn yơh ñu pơanăn hĭ jing Rêhôbôt, laih anŭn laĭ: “Ră anai Yêhôwa hmâo pha brơi gơmơi sa boh anih rơhaih rơhông, laih anŭn gơmơi či jing pơdrŏng amăng čar anai.”

Yêhôwa pơrơđah rai kơ ñu laih anŭn laĭ: “Anăm trŭn nao pơ Êjip ôh, brơi ih dŏ bĕ amăng čar Kâo či črâo brơi kơ ih.

Isak pơdơ̆ng sa boh kơƀang ngă yang, iâu laĭ kơ anăn Yêhôwa laih anŭn pơdơ̆ng sang khăn ƀơi anŭn. Giơ̆ng anŭn ƀing ding kơna ñu klơi pơ anŭn sa boh ia dơmun.