Beliebte Verse in 1 Koriniti 2

Teilen

Ba gua tugo asa si ta kubere pa Kinubekubere Hope, sapu zama guahe: “Loke mata si ele dogoria, loke taliṉa si ele avosia, loke binalabala si ele kamo ia sapu gua ele va nama vekoa Tamasa pude tadirini pu tataru nia si Asa,” gua.

Asa sapu lopu tagoa sa Maqomaqona sa Tamasa, si lopu boka tagoi sa sari na vinariponi tanisa Maqomaqona Sa. Sina sa tie gugua asa si lopu tumae ni sa sari na tiṉitoṉa Maqomaqo sara. Guana dinuviduvili guni sa si arini, sina sari na laedi rina tiṉitoṉa arini, si pa ginugua tanisa Maqomaqo Hope mo kote boka ta gilana.

Koasa Maqomaqo Hope te Tamasa telena, si vata gilana nia Sa koa gita sa Nana ginugua tomena hie. Sa Maqomaqo Hope si hata vura ni sari doduru tiṉitoṉa, kamo koari na ṉati tiṉitoṉa lohidi na tomedi te Tamasa.

Lopu sa maqomaqo tanisa kinaleana pa kasia popoa si vagia gita, ba sa Maqomaqo tu sapu mae guana koe Tamasa, pude boka tumae ni gita sari doduru gua pu poni mokani gita Sa.

Meke sa qua inavoso meke tinarae, si lopu tavetia rau pa korapa zinama lomolomosodi na ginilagilana lohina tana tie, ba pa ṉiniraṉira tanisa Maqomaqo Hope si vata dogoro nia sapu tarae nia rau sa hinokara. Gua ke sa mia rinaṉeraṉe, si lopu kote kalavarae pa ginilagilana lohina tana tie, ba pa ṉiniraṉira tu te Tamasa.