Beliebte Verse in मत्तायोस 27

Teilen

ओनबीड़ी तीन बजे येसुस जॊरसरिया चिच्चियारनुम बाचस, “ऎलॊइ, ऎलॊइ लेमा सबख़तानी।” इदही माने, “एंग्‍है धर्मे, एंग्‍है धर्मे नीन एंगन एन्‍देरगे अम्‍बकय?”

आ बारिम धर्मेसी मन्दिर ही परदा म‍इय्‍याँ ती किइय्‍या गूटी चर्रा ती ऎंड़ फड़ा मंजा केरा। अरा ख़ॆख़ेल नुकुर ख़च्‍चिया, अरा चचड़ी पलकरा केरा। अरा मसड़ा गुट्ठी तिसग्रा केरा, अरा नगदे केचका नेम्‍हा आलर ही मॆद उज्‍जा चॊचा।

ख़ने येसुस अउर हूँ जॊरसरिया चिच्चियारस ती तंग्‍है जियन बिच्‍छरस।

रोमी सैनर ही मुद्धस अरा आसी गने र'अरकी येसुसिन ख़ापा लगियर आर ख़ॆख़ेल नुक्रनन अरा अबड़ा मंजकन ईरियर ख़ने, आर नगदे इल्‍चियर अरा अनचकरर, अरा बाचर, “ईस मानिम नू धर्मेसी ख़द्दस रहचस।”

अक्‍कु लोहाड़ी बारा बजे गोट्टा चक ऊख़ा मं‍जा केरा, अरा आद तीन बजे गूटी रहचा।

पिलातुस आरिन अउरिम मेंजस, “होले येसुसिन, नॆ मसी बारदस, एन्‍देर ननोन?” ओर्मर बाचर, “ईसिन क्रुस नू ठोक'आ।” पिलातुस आरिन मेंजस, “एन्‍देरगे, ईस एन्‍देर दोस नंजकादस?” लिकिन आर अउरिम जॊर ती चिच्चि‍यारते र'आलियर, “ईसिन क्रुस नू ठोक'आ।”