Beliebte Verse in 出埃及記 10

Teilen

後來，上主對 摩西 講：「你去見 埃及 王。𠊎使佢㧯佢个官員心硬，目的係愛在佢等當中行𠊎這兜神蹟， 也愛俾你將𠊎樣般行神蹟、使 埃及 人無葛無煞个經過，講給你个子子孫孫聽，恁樣你等就會知𠊎係上主。」

後來，上主對 摩西 講：「你愛向天擎手，使得人驚个烏暗將 埃及 全國遮到伸手不見五爪。」 摩西 向天擎手，大烏暗遮蓋 埃及 全國三日久。 埃及 人面對面也看毋到，三日个當中無人敢離開自家个屋下；總係 以色列 人住个地方全部有光。

所以 摩西 擎起佢个柺棍仔指向 埃及 地；上主就吹起一陣東風，在地面上透日透夜吹；到第二日朝晨，吹來當多个草蜢。 該兜草蜢一大群、一大群飛等來，遮滿全國。恁大群个草蜢係頭擺吂識有、將來也毋會有个。