Beliebte Verse in Efeso 3

Teilen

Nih gbo nga ïrï Me angü engu de mere mürü wazi. Ah ngbü eto wazi ye emaguma nih, teka fü nih adi ereke ngü ka-nih di. Wü ngü ꞌburu te nih ngbü eyi-tata di ne, ah tï eyi amere fü nih. Fü ah angbü emere kpah wü gara ngü, te fa fïngangü ka-nih afa. Nih gbo nga ïrï Me, angü nih ꞌburu de wü kpara kaka. Nih gbo nga ïrï Me, teka ngü ka Yesu Kurisito. Nih gbo nga ïrï Me enatikine, zalü fï mere badi. Ah di bala.

Ma ngbü kpah eyi-tata, de ah to *Nzïla Wazi ye emaguma yi, teka fü yi adi erü di kpekpeke gbü ngü ka Me, angü wawazi fa sü. Kpah bala, ma ngbü eyi-tata, teka de Yesu Kurisito di engbü emaguma yi, angü yi to maguma yi eyi fefe na. De ah to wazi fü yi, teka fü yi arü di kpekpeke gbü ngü ka Me, teka fü yi adi ele engu de maguma yi ꞌburu, fü yi adi kpah ele te-yi esüka yi de wü bu yi. Kpah bala, fü yi adu awu, gü ba, Yesu Kurisito le yi eyi cu de maguma ye ꞌburu, kpah de wü gara kpara ka-ye mini. Angü lele ka Yesu, te engu le nih di la, ah ka-ye cucu, ah ga kpah fa sü. Lele kaka la fü te-ye nda de, ah ka-ye fï bü memere da ye. Te di bala, ma ngbü eyi-ta Me, de ah ü jia yi, teka fü yi awu lele ka Yesu la mbi mbi mbi. Angü kpara tï awu ngü la, anza ꞌburu de. Te di bala, wü züka ngü ka Me, de wazi ka Me, ena asi emaguma yi gbe.

Tïtïne, teka te nih to maguma nih eyi fü Yesu, da elala eküküte ne, nih tï akpe cürü tïne de, angü nih tï eyi akoro kpaka Me, de mere tadu emaguma nih, angü Yesu reke nih eyi gbü jia Me.