Beliebte Verse in Noo Mark 4

Teilen

As dirree eh, as smaghtee eh yn gheay, as dooyrt eh rish y faarkey, Gow fea, bee kiune: as ghow yn gheay fea, as va kiuney vooar ayn. As dooyrt eh roo, Cre’n‐fa ta shiu cha agglagh? kys te nagh vel credjue eu?

As va’d feer agglagh, as dooyrt ad yn derrey yeh rish y jeh elley, cre’n monney dy ghooinney eh shoh, dy vel y gheay hene as y faarkey cur biallys da?

As v’eshyn ayns jerrey ny lhuingey ny chadley er clooisag: as ghooisht ad eh, as dooyrt ad rish, Vainshter, nagh vel geill ayd dy bee mayd caillit?

As dooyrt eh roo, Cur‐jee tastey da ny ta shiu dy chlashtyn: lesh y towse ta shiu towse, bee eh er ny howse diu: as diuish ta clashtyn, bee ny smoo er ny choyrt.

As dooyrt eh, Shoh myr ta reeriaght Yee, myr dy dilgagh dooinney rass ayns y thalloo, As eh dy chadley, as dy irree oie as laa; as y rass dy heet er y hoshiaght, as dy aase seose gyn‐yss da.

My ta cleayshyn ec dooinney erbee dy chlashtyn lhig da clashtyn.