Beliebte Verse in Rómã lé ꞌbá 5

Teilen

Gõꞌdá tã gólâ Ôvârí drí ꞌẽlé ãmâ drí rî lậvũ trá gạ̃rạ̃ tã tãndí rî ꞌdĩ drı̣̃ı̣̂ sĩ. Ôvârí âꞌdâ tã trá kĩ, ãmâ lôvó bê rĩꞌá dũû yí ꞌá lậvũlı̣́ kôrô lõvõ õjílã ãngó nõ kâ rî ꞌbá yí kâ ĩyî lãfálé ꞌásĩ rî drı̣̃ı̣̂ sĩ. Nĩ ndrê drẽ, Ôvârí âjô íyî mvá Yésũ Krístõ ânĩlí drãlé tãlâ ãmâ pãlé, drẽ ãmâ rĩꞌá tã õnjí tẽtẽ ꞌbá ró rî sĩ.

Tã pạ̃tı̣́ı̣̃ ró, mã nı̣̃ trá kĩ, Ôvârí âꞌdô fí tã gólĩyî ãmâ drí lı̣̃fı̣́ ꞌbãzó trá drı̣̃ lâ rî ꞌbá yî ꞌẽꞌá ãmâ drí, tãlâ gólâ lẽ ãmâ trá tákányĩ. Líndrí Tãndí gólâ Ôvârí drí fẽlé trá ãmâ drí ngá fẽfẽ ró ꞌdĩ âꞌdâ tã ꞌdî nĩ ãmâ drí ngbálí-ngbálí.

Gõꞌdá mã îcâ ró bê kpá gólâ rî lûyı̣́lı̣́ kậyı̣̂ gólâ lâŋõ drí ãmâ ûsúzó rî tú, tãlâ ãmâ õjílã Yésũ kâ nı̣̃ tã trá kĩ, lâŋõ rî gógó ꞌdĩ âꞌdô ãmâ ꞌbãꞌá fĩî ậtũlı̣́ ꞌâ ạ̃ꞌdı̣́ sĩ. Õzõ mã ĩîcâ trá fĩî ậtũlı̣́ ĩtí rî, gõꞌdá ãmâ drí âꞌdózó mbârâkã bê rĩlí õjílã Ôvârí kâ ró. Gólâ rî ndrẽlâ kĩ, mã âꞌdô âꞌdóꞌá âmólé drı̣́-mvá mûdrı̣́ sĩ njírí-njírí kậyı̣̂ gólâ lâŋõ kâ rî sĩ. Gõꞌdá bê trá ĩtí rî, mã îcâ trá lı̣̃fı̣́ ꞌbãlé tã tãndí gólĩyî Ôvârí drí ꞌbãlé ꞌẽꞌá ꞌẽlâ ãmâ drí rî drı̣̃ı̣̂.

Ôvârí ndẽ tã tã õnjí ãmákâ ãmâ lãfálé ꞌá yí bê rî kâ trá, tãlâ mã lẽ tã trá Yésũ ꞌdíyî pã ꞌbá ró rî ꞌá. Bê trá ĩtí rî, ạ̃wạ̃ Ôvârí kâ ãmâ rú rî ậꞌdı̣̂ trá, gõꞌdá mã îcâ trá âgõlé gólâ ngálâ õjílã gólâkâ ró rĩlí tãndí ró gólâ bê, tãlâ Kúmú ãmákâ Yésũ Krístõ rî õdrã sĩ. Mã îcâ trá tã tãndí ndrĩ gólĩyî Ôvârí drí ꞌẽlé drı̣̃-bạ́lạ́yı̣̂ ró ãmâ gólĩyî tã lẽ ꞌbá trá Yésũ ꞌá pı̣̃pı̣̂sı̣́lı̣́ ãlô sĩ rî ꞌbá yî drí rî nı̣̃lı̣́. Ngbãângbânõ Yésũ sĩ rî, ãmâ trá rĩꞌá ãyĩkõ ró ãmbá, tãlâ mã nı̣̃ trá kĩ, Ôvârí âꞌdô pạ̃tı̣́ı̣̃ íyî sũsũ tã tãndí ꞌẽ kâ gõꞌdá kpá mbârâkã bê rî âꞌdáꞌá trá ãmâ drí.

Nĩ ndrê drẽ, Ôvârí ndrê trá kĩ, ãmâ rĩꞌá cú ĩtí mbârâkã ãkó ãmâ nyãányâ pãzó. Ĩtí rî, gólâ drí ãmâ pãzó kậyı̣̂ tíbê gólâ drí Yésũ Krístõ rî ꞌbãzó drãlé ãmâ tã õnjí ꞌbá ndrĩ tãsĩ rî sĩ. ꞌDĩî rĩꞌá tã ạ́ngı̣́ ꞌî.

Yésũ Krístõ drã trá tã õnjí ãmákâ rî ꞌbá yî tãsĩ. Ĩtí rî, tã ãzãkã yûꞌdạ́wạ́ Ôvârí drí tã kĩzó ãmâ rú tã lâ sĩ. Gõꞌdá ngbãângbânõ rî, Ôvârí ndrê ãmâ bê trá õjílã tãndí íyíkâ rî ꞌbá yî ró tãlâ Yésũ rî õdrã sĩ rî, ĩtí mã âꞌdô îcáꞌá pạ̃tı̣́ı̣̃ nı̣̃lâ kĩ, gólâ îcá gõꞌdá kô âꞌdólé ạ̃wạ̃ ró ãmá bê, tãlâ Yésũ pâ ãmâ trá ạ̃wạ̃ rî ꞌdĩ ꞌásĩ.

Yésũ ĩꞌdî rĩꞌá õjílã ãlô gólâ rĩ ꞌbá kárá rĩꞌá cé tã mbı̣̂ Ôvârí kâ rî ꞌbá yî ꞌẽlé rî ĩꞌdî. Bê trá ĩtí rî, Ôvârí îcâ trá õjílã ꞌbãlé ndrĩ âꞌdólé mbı̣̂mbı̣̂ ró yí lı̣̃fı̣́ tãlâ tã mbı̣̂ ꞌẽꞌẽ Yésũ kâ tãsĩ, kpá õzõ tã õnjí Ádãmã kâ drí õjílã ndrĩ ꞌbãrẽ âꞌdólé tã õnjí ꞌbá ró rî kâtí.

Dró ꞌdĩ drı̣̃ı̣̂ rî, mã îcâ ró bê kpá Ôvârí rî lûyı̣́lı̣́ mvá lâ Yésũ Krístõ gólâ ãmâ ꞌbã ꞌbá âꞌdólé ngá ãlô ró gólâ bê rî tãsĩ.