Beliebte Verse in Lúkạ̃ 21

Teilen

Ãnî lãjóꞌbá ámákâ rî ꞌbá yî, nĩ rî njãâ. Má âꞌdô ꞌẽꞌá âgõlé ꞌwãâ ró, nĩ rî zãâ rãtáã ꞌẽlé Ôvârí drí, õꞌbã ró ãnî pı̣̃pı̣̂sı̣́lı̣́ bê ı̣̂dû-ı̣̂dû ró rĩlí lãjóꞌbá tãndí ró. Õzõ nĩ õꞌê trá ĩtí rî, âꞌdó kô ãnyĩ ró âdrérẽ ꞌá ı̣̃zạ́tú má ágálé, má õtírĩ âgõô tã kĩlí ạ̃dũkũ lâ ró rî. Nĩ âꞌdô kákárá lı̣́mú kâtí, nĩ pâ ró ngá bê lâŋõ ãmbá ꞌdĩ ꞌbá yî ꞌásĩ. Nĩ ꞌbã ãnî pı̣̃pı̣̂sı̣́lı̣́ kpá vũdrı̣́, nĩ pâ ró ngá bê lâŋõ Ôvârí rî mvá kâ rî ꞌásĩ. ꞌDĩî tã ámákâ ĩꞌdî.”

Nĩ sû ãnî rú dódó, nĩ ı̣̂sũ tã kô cé tã ãngó nõ kâ tãsĩ, nĩ sõ ãnî kô mõrá õdrá kâ rî ꞌá, rĩzó cú ĩtí tã ı̣̂sũ-ı̣̂sũ ãkó. Âgõ-âgõ ámákâ ãngó ꞌá nõlé rî âꞌdô ꞌbãꞌá cú ĩtí, õjílã ãzâ drí kậyı̣̂ lâ nı̣̃ ãkó, âꞌdô ꞌbãꞌá ꞌwãâ ró, õzõ kõlõgbõ drí ậsı̣́rı̣̃ ꞌwãâ ró ãcõmõ édrégó drı̣̃ı̣̂ rî kâtí. Õjílã gólĩyî tíbê drı̣̃ âdĩ ꞌbá tã õnjí ĩyíkâ ꞌásĩ kô rî, ûsú ĩyî kậyı̣̂ gõꞌdá drı̣̃ âdĩzó tã õnjí ĩyíkâ ꞌásĩ kô.

Õzõ õjílã ãâꞌdô ãnî îzãꞌá rõô ámâ tãsĩ rî, nĩ rî fĩî ậtũ-ậtũ sĩ. Ĩtí rî, nĩ âꞌdô lédrẽ-lédrẽ ạ̃dũkũ ãkó rî ûsúꞌá.

Nĩ ꞌê ũrı̣̃ kô. Óõꞌbã ãnî gbõ lé gạ̃nı̣́mạ̃ ꞌá rî, nĩ lôꞌbê lı̣̃fı̣́ kô úlı̣́ võ ãnî ạ̃jú-ꞌbá-ãzí yí kâ ícícíyá ꞌẽzó ãnî rú rî lôgõrẽ ꞌá, tãlâ mâ bê. Má âꞌdô tã nı̣̃nı̣̃ âfẽꞌá ãnî drí úlı̣́ ífífí âtázó ĩꞌdî gólĩyî pẽzó.

Õzõ kpálé ı̣̃nyạ́kú drı̣̃ ꞌbũû bê ãâꞌdô rû ndẽꞌá ndrĩ rî, úlı̣́ ámákâ nõ ndẽé rû kô ãlôwálâ.

“Gõꞌdá nĩngá sĩ rî, tã lârâkô ãzâ ꞌbá yî âꞌdô rû ꞌẽꞌá ı̣̃tú lı̣̃fı̣́, kpá párá lı̣̃fı̣́, kpá ı̣̃ꞌbı̣̂ꞌbı̣̂wạ́ lı̣̃fı̣́. ꞌDĩî rî, ngá ꞌbũû ꞌálâ rî ꞌbá yî âꞌdô rû îyáꞌá kı̣̃zı̣̃-kı̣̃zı̣̃ õyĩ ró. Tã ꞌdî ꞌbá yî âꞌdô õjílã ãmbá ꞌbãꞌá âꞌdólé kõló-kólô ró fãfã ãkó ĩtí. Õjílã ãmbá îcá rãlé kô, tãlâ ngá ꞌdĩ ꞌbá yî âꞌdô lı̣̃mvû ândrê ꞌbãꞌá tı̣̃lı̣́ õjílã ûfúlı̣́. Õjílã ãmbá drı̣̃ âꞌdô lîjãꞌá ũrı̣̃ drí, tãlâ gólĩyî âkĩꞌá nĩ rî, ạ̃dũkũ ãngó kâ âcâ trá. Gõꞌdá mâ gólâ âjólé ûrú lésĩ nô âꞌdô âgõꞌá mbãrãsãsã bê. Má âꞌdô ânĩꞌá cú mbârâkã ạ́ngı̣́ bê gõꞌdá kpá ãmbã Ôvârí kâ rî bê, õjílã drí ndrẽzó lâ ndrĩ.

Õjílã ãzâ ꞌbá yî dũû ꞌálé lâ yî drí âdrãzó kpá ãnî rú ámâ tãsĩ.

Nĩ âꞌdô ndrẽꞌá lâ, tã lârâkô âꞌdô rû ꞌẽꞌá, ı̣̃nyạ́kú drí rĩzó rû îyálé, kpá lõfó õnjí drí ꞌdẽzó õjílã drı̣̃ı̣̂, ngá lãzé tı̣̂ õnjî-õnjî âꞌdô õjílã ꞌẽꞌá ndrĩ. Gõꞌdá nĩ âꞌdô ndrẽꞌá lâ kpá tã lârâkô ãzâ ꞌbá yî õzõ õyĩ ạ́ngı̣́ kâtí rî âꞌdô rû ꞌẽꞌá ꞌbũû ꞌá. Ị̃tú lı̣̃fı̣́ ngã ꞌbô ı̣̃ꞌbı̣̂ꞌbı̣̂wạ́ lı̣̃fı̣́ ꞌî yã rî, âꞌdô rĩꞌá rû ôjálé võ ꞌásĩ ngĩíngî. ꞌDĩî rî tã âꞌdálé kĩ, kậyı̣̂ ạ̃dũkũ trá ãnyî.

“Gõꞌdá õzõ nĩ ãârî tã ạ̃jú kâ ngãꞌá gbõ lé võ ãzâ ꞌbá yî ꞌásĩ rî, nĩ ꞌê ũrı̣̃ kô. Nĩ lôꞌbê lı̣̃fı̣́ kpá kô kĩꞌá nĩ rî, ạ̃dũkũ ãngó kâ trá âcáꞌá ĩꞌdî ꞌdĩ. Ngá ãmbá ꞌdĩ ꞌbá yî âꞌdô lậvũꞌá ndrĩ ạ̃dũkũ ãngó kâ õró gõ âcálé vólé lésĩ ró. Nĩ âꞌdô ndrẽꞌá lâ, õrĩ tı̣̂ ãmbá âꞌdô ngãꞌá rĩꞌá rû fũlı̣́ ĩyî võ ꞌásĩ gĩâ nãlé gõꞌdá kpá nõngá. Kó nĩ ꞌê ũrı̣̃ kô.

“Gõꞌdá nĩngá sĩ rî, tã lârâkô ãzâ ꞌbá yî âꞌdô rû ꞌẽꞌá ı̣̃tú lı̣̃fı̣́, kpá párá lı̣̃fı̣́, kpá ı̣̃ꞌbı̣̂ꞌbı̣̂wạ́ lı̣̃fı̣́. ꞌDĩî rî, ngá ꞌbũû ꞌálâ rî ꞌbá yî âꞌdô rû îyáꞌá kı̣̃zı̣̃-kı̣̃zı̣̃ õyĩ ró. Tã ꞌdî ꞌbá yî âꞌdô õjílã ãmbá ꞌbãꞌá âꞌdólé kõló-kólô ró fãfã ãkó ĩtí. Õjílã ãmbá îcá rãlé kô, tãlâ ngá ꞌdĩ ꞌbá yî âꞌdô lı̣̃mvû ândrê ꞌbãꞌá tı̣̃lı̣́ õjílã ûfúlı̣́. Õjílã ãmbá drı̣̃ âꞌdô lîjãꞌá ũrı̣̃ drí, tãlâ gólĩyî âkĩꞌá nĩ rî, ạ̃dũkũ ãngó kâ âcâ trá.

Nĩ âꞌdô ndrẽꞌá lâ, õrĩ tı̣̂ ãmbá âꞌdô ngãꞌá rĩꞌá rû fũlı̣́ ĩyî võ ꞌásĩ gĩâ nãlé gõꞌdá kpá nõngá. Kó nĩ ꞌê ũrı̣̃ kô.

Yésũ kĩ, “Nĩ ꞌbã ãnî drı̣̃ı̣̂ tãndí ró, nĩ ꞌbã õjílã ãâdô ãnî kô âgõ-âgõ ámákâ rî tã lâ tãsĩ. Õnjõ ꞌbá ãzâ ꞌbá yî bê rĩꞌá dũû. Ãzâ ꞌbá yî âꞌdô tã âmãꞌá kĩ nĩ rî, yĩ ãꞌdô ĩꞌdî ꞌdíyî pã ꞌbá ꞌî. Ãzâ ꞌbá yî âꞌdô âtáꞌá lâ kĩ nĩ rî, kậyı̣̂ câ trá ạ̃dũkũ ãngó kâ drí âcázó. Gõꞌdá nĩ ârî tã ꞌdî ꞌbá yî kô ãlôwálâ, tãlâ ꞌdĩî ꞌdó õnjõ ꞌî.