Beliebte Verse in 2 Kõrínĩtõ lé ꞌbá 9

Teilen

Gõꞌdá õzõ nĩ õꞌê tã ꞌdî trá ĩtí rî, nĩ nı̣̃ tãndí ró kĩ, Ôvârí cú mbârâkã bê ngá fẽlé ãnî drí gạ̃rạ̃ ngá gólâ ãnî drí lẽlé rî drı̣̃ı̣̂ sĩ, tãlâ nĩ âꞌdô ró bê ngá bê dũû gõꞌdá nĩ pâ ró õjílã gólĩyî ngá ãkó lé ꞌbá ró ꞌdĩ ꞌbá yî bê.

Õjílã ãlô ãnî lãfálé sĩ õfẽ ngá íyíkâ, nyé õzõ gólâ rî pı̣̃pı̣̂sı̣́lı̣́ drí lẽlé rî kâtí. Gólâ õfẽ kô tã ı̣̂sũ rı̣̃ rı̣̃ sĩ. Gõꞌdá gólâ õfẽ kpá kô, gbõ tãlâ îcá kô gólâ drí fẽzó lâ kô rî drí. Gõꞌdá gólâ õfẽ lôvó sĩ drı̣̃-bạ́lạ́yı̣̂ ró gõꞌdá kpá ãyĩkõ sĩ, tãlâ Ôvârí lẽ õjílã gólâ ngá fẽ ꞌbá drı̣̃-bạ́lạ́yı̣̂ ró ãyĩkõ sĩ rî ĩꞌdî.

Tã nô õrî ãnî drı̣̃ı̣̂. Õzõ õjílã õꞌwã ngá ngbãâ fínyáwá ĩtí rî, gólâ âꞌdô ngá ĩyínyâ êꞌbéꞌá kpá ngbãâ fínyáwá ĩtí. Gõꞌdá õzõ õjílã õꞌwã ngá ãmbá ĩtí rî, gólâ âꞌdô ngá ĩyínyâ êꞌbéꞌá kpá ãmbá ĩtí.

Gõꞌdá Ôvârí rî nĩ rĩꞌá órĩ âfẽlé õjílã drí rĩꞌá ı̣̂ꞌdı̣́lâ. Gólâ rî kpá nĩ rĩꞌá ngá nyãnyã âfẽlé õjílã drí nyãlé. Ĩtí rî, gólâ âꞌdô kpá ngá ãnî drí lẽlé rî âfẽꞌá nĩ ãnî drí, nĩ ãꞌdô ró bê ngá fẽlé ãzí-ãzí yî pãzó. Nĩ ndrê drẽ, gõꞌdá Ôvârí âꞌdô ngá tãndí âfẽꞌá ãnî drí dũû tãlâ ngá ãnî drí fẽlé õjílã ãzí pãzó ꞌdĩ tãsĩ. Tãlâ õzõ mã õtírĩ ngá fẽfẽ ãníkâ ꞌdĩ ꞌbá yî fẽê ãnî ậdrúpı̣̃ yî ngá ãkó lé ꞌbá ró ꞌdĩ ꞌbá yî drí rî, gólĩyî âꞌdô ãwô-ĩtí ꞌẽꞌá Ôvârí drí rõô ngá ꞌdĩ ꞌbá yî tãsĩ.

Nĩ ꞌdê mã ꞌê ãwô-ĩtí Ôvârí drí ãmbá, tãlâ ngá fẽfẽ ạ́ngı̣́ gólâ drí fẽlé ãmâ drí ãmbã lâ drí lậvũlı̣́ trá gạ̃rạ̃ ãmâ tı̣̂ drí ậꞌdı̣́zó tã lâ ꞌá nõ tãsĩ, ngá fẽfẽ rî ꞌdĩ rĩꞌá Yésũ ĩꞌdî.