Beliebte Verse in ROMAFƆ 6

Teilen

Kitonɛkĩ tɔkpa kɔtɔkase nyɛ wuda, lɛmɛ Baguma futetsa faa nyɛ nkpã kĩ ɛlá kawũna a, nɛ ɔmɔa kakɛna mɔ boe Ɔlate Kristo Yesu kamɛ.

Kɛtánɛ kĩ tɔkpa tɛnya mi akũ, kitonɛkĩ miláa mbla kayɔ, mbom mideĩ nɛ Baguma kɔnyakamɔ kayɔ.

Nɛ boe mui kawɔla kĩĩ kamɛ a, bɔna tsɛfã nɛ ye wuda a kamɛ, ade bibila bɔmɔ ye a. Ndɛ ayekĩ Ɔlɛga a tsã ye kukũkpalɛ kɔbɛ̃ kamɛ ɛdzɛla Kristo etomɛna banɔkpa kamɛ a, ade aye boe malo bɔ́ayidza budzi nkpã vɔɛ̃ a.

Mitafɔnɛ mi sukɛna kakɔma awɛ mikpa tɔkpa tɛkɔa tɛkɛna ablɔ adima, mbom mikɔa mi akũ mikpa Baguma ndɛ bati kĩ ɛnyɛ etomɛna wuda kamɛ ɛyamɛna nɛ nkpã kamɛ. Mifɔnɛ mi akũ flee awɛ mikpa Baguma fɔnya fɔtsa kĩ yaakɔa ɛkɛna tuwĩ.

Bunyina kĩ, kĩ bɛbɔa boe kutitse kɔɛ a nɛ asendua akũ mɔ Kristo ayekĩ boe sukɛna kĩ sawɛ tɔkpa kakɛna a aawɔ, ayekĩ bɔláabuki bɔnya tɔkpa basate.

Ade ayea mi malo mibu mi akũ kĩ miku mikpa tɔkpa, lɛmɛ Baguma nɛ ɔmɔa kakɛna mɔ Kristo Yesu kamɛ.

Foesũ, finyaa litsa bɔ́alɛ? Bɔ́ana nɛ tɔkpa kakɛna kamɛ ayekĩ Baguma kɔnyakamɔ aapɔ kibu mbɔɛɛ? Oowo! Kĩ buku bɔkpa tɔkpa kɔkɔɛ a, nde bɔabuki budzi nkpã bɔkakɛna tɔkpa?

Minyina pefee kĩ ntɛ mikɔa mi akũ mikɛna odi basumunɛ ni, minyɛ ɔlate a kĩ ye kayɔ mideĩ a basate. Ntɛ mikɔa akũ mikpa tɔkpa kakɛna ni, lɛtsa a kĩ laanɛ nɛ foe kamɛ nyɛ wuda, lɛmɛ ntɛ mikɛna nɛ Baguma ɔlɛdo akũ ni, foe nfasɔ nyɛ kadzi kpĩĩ nɛ Baguma anɛ.

Bɔanyɛ Baguma kɔlɛ paa, kitonɛkĩ titɔ kĩ minya tɔkpa basate miyatɛ̃ malo ni, finyaa mitɛ ɔnɔkɔali fɔtsa katsa a mɔ mi tɔwɔlɛ, milamɔ foe akũ kakɛna pɛpɛɛpɛ. Baguma nyɛ mi etomɛna tɔkpa kamɛ, midani fɔtsa wĩ kakɛna basate.