Beliebte Verse in MARKUS 13

Teilen

Om katagadan kou nogi' do koinsanai'd tulun, tu' tumatanud kou i' doho'. Nga' iri nopondo i tulun dit ogirot kasai' do gisom do kopupuson, om posion no iyau,” ka dau.

Iyo nopoddi om apatut no do minsan-insan om mumbangan-bangan kou, tu' a' kou i' koilo ondung soira' dot orikot i maso'ddi!

Om soira' nopo dot atangkap kou om porikoton kou dot id pomisaraan, om kada' kou katangkabo ondung nunu o poboroson dokoyu do tontok do maso'ddi. Do nunu nopo i potudukon dot id dokoyu do maso'ddi, om poboroson nopo dokoyu dot orikot i maso dokoyu'd moro-boros. Tu' okon i' ko' dokoyu di boros di poboroson dokoyu'ddi, suwai ko' mantad id Rusod do Kinorohingan.

Tumanus i' o tawan om pomogunan, nga' boros ku nopo om hino kasai' i' do gisom do poingompus,” ka dau.

Om boros ka kawagu di Yesus, “Mulong pod miagal diri, nga' aiso' i' o songulun piya do koilo ondung soira' o tadau ko' jam diri. Iri piya i moloikat do hilo'd surga nga' a' i' koilo, om i Tanak nga' a' i' koilo, suwai ko' iri no i Tapa' o koilo.

Om korongou kou nopondo do mogisasaap om korongou kou do habar do pisangadan om kada' kou poddosi. Tu' a' no milo dot a' ongosiliu ngai' iri, nga' iri nopo om okon po ko' kopupuson do pomogunan.

Iyo nopoddi om iyokoyu nga' apatut do mumbangan-bangan no, tu' a' i' dokoyu oilaan ondung soira' do koguli' i sanganu di walai'ddi, dongsosodopon tuu ko' pitangatuong, ko' minsusuab po tuu ko' i mulai nogi' o tadau. Tu' ondung sigog indo do korikot iyau, om kada' pondo do koodop kou dot orikatan dau. Tu' koinsanai'dti nokoboros ku dokoyu om poboroson ngai' ku nogi' iti dot id koinsanai'd tulun: iri no tu' mumbangan-bangan kou no kasai'!” ka dau.

Om mogisasaap nondo o bansa' om mogisasaap o pomogunan. Om hinonggo- honggo nopo nga' gumuyu' nondo o tana', om mononglous. Om koinsanai'dti om koimpuunon nogi' do koinggoritan, do miagal di tondu' do monohoruol nogi' do mogkosusu.

Om mositi' no do popinsusuyon po iti Habar dot Osonong do mantad id Kinorohingan dot id koinsanai'd bansa'.

Tu' ogumu' motindo o tulun do rumikot do manansanganu do ngaran ku, om momoros nondo dot, ‘Iyoho' no iyau!’ ka. Om ogumu' nondo o tulun dot aakalan.

Nga' mositi' no do mumbangan-bangan kou, tu' tangkapon kou motindo om gayaton kou dot id pomisaraan dot id toguang do gompomutus. Om pimbabagan kou nondo do hiri'd walai'd sasambayangan. Om potimbabaon kou nondo di piro-piro o pomorinta' om i piro-piro o raja', tu' tumatanud kou i' doho'. Om iri no o maso dokoyu do pasasi' do pasal doho' dot id diyolo'.

Tu' rumikot motindo o piro-piro di gampamasi di goudut om piro-piro o nabi di goudut. Om mingwonsoi nondo iyolo' do piro-piro o koimayaan, om i kosuayan kopio do maan daa do pagakal do tulun, om milo-milo nopo om pagakal nogi' do tulun piya di nasanganu nod Kinorohingan.

Om boros ka kawagu di Yesus, “Om katalib pondo i kosusaan diri, om tumuong nondo ilo tadau, om a' mulinau ilo tulan. Om rumatu' ngai' nondo ilo rombituon do mantad hilo'd tawan, om angagangau ngai' nopondo i pomorinta' do hilo'd tawan.