Beliebte Verse in YOHANIS 6

Teilen

Om boros ka di Yesus dot id diyolo', “Iyoho' no i roti di manahak do koposion om iri nopondo tulun di rumikot dot id doho' om a' no louson kawagu do gisom dot alaid. Om iri tulun di monongkuyaan doho' nga' a' no tuuhan kawagu do gisom dot alaid.

Mamasi nopod tulun om iri i Rusod do Kinorohingan. Om aiso' i' o guna' do kokorisan do tulun. Iti nopo boros do poboroson ku dokoyu'dti om boros i' do Rusod do Kinorohingan om boros di manahak do koposion.

Nga' kada' kou karaja' do kakarajaan nopo om mogihum nod taakanon di milo'd mayi' om munos. Nga' karaja' kou nogi' do mogihum do taakanon dit a' milo'd mayi' om it a' munos, om i manahak do koposion dit otopot kopio om i poingompus. Om patahakon indo di Tanak do Tulun i taakanon diri dot id dokoyu, tu' nokointalang no do nopili' no iyau'd Kinorohingan Tapa',” ka dau.

Poingkaa no kopio o korohian di Tapa' ku: iri no tu' oinsanan nopondo i tulun do kokito di Tanak om i monongkuyaan dau do kaanu do koposion dit otopot kopio om i poingompus, om posion ku kawagu iyolo' do kopupuson diti pomogunan,” ka dau.

Om boros ka di Yesus, “Poingkaa o korohian do Kinorohingan do wonsoyon dokoyu: Kotumbayaai kou no dau, i sinuhu' do Kinorohingan,” ka.

Pointikid-tikid do tulun di pinatahak do Tapa' ku dot id doho' om rumikot i' dot id doho' om a' oku i' magada' dot isai nopo o tulun di rumikot dot id doho'.

Om boros ka di Simun Pitrus, “Tuhan, id disai po daa o ngoyon dahai? Iri no boros do Tuhan o manahak do koposion dit otopot kopio om i poingompus.

Iyoho' no i roti do luminintuhun do mantad hilo'd surga — i roti di manahak do koposion. Om iri nopondo tulun di mangakan di roti'ddi om poimpasi no do gisom do poingompus. Om iri nopo roti di patahakon ku do pamasi'd tulun do hiti'd pomogunan om iti no tonsi ku,” ka dau.

Tu' aiso' i' o tiso' piya'd tulun do milo'd rumikot dot id doho', ondung a' iyau porikoton di Tapa' ku dot id doho', om isai nopondo i rumikot om posion ku no kawagu do kopupuson diti pomogunan.

Tu' iri nopo roti do patahakon do Kinorohingan om iyau i luminintuhun do mantad hilo'd surga om i manahak do koposion dot id tulun do hiti'd pomogunan,” ka dau.

Iyoho' no i roti di manahak do koposion.

Om ngoyo' noddi di Yesus i roti, om pongunsikou no iyau'd Kinorohingan. Om potikido' nogiddi dau di tulun dot ogumu' i roti'ddi. Om potikido' no dau i sada', om akan ngai' noddi iyolo' do gisom do nangayahan. Om kangaakan ngai' poddi iyolo' do gisom do nangayahan, om boro-boros no i Yesus di tumatanud dau. Boros ka dau, “Ngoyo' dokoyu timungo' i noolu' di taakanon diri, om kada' dokoyu pologoso' do haro o kataam,” ka dau.

Om tontok di haro no doti' o limo ko' onom o kilomito do kosoduwo' diyolo' do mantad hiri'd tisan, om kokito no diyolo' i Yesus do kumaa do ponong hiri'd parau' diyolo' do manau-panau do hiri'd soibau di waig. Om moddosi tomod diri iyolo'. Nga' boros ka di Yesus dot id diyolo', “Kada' kou poddosi, iyoho' i' iti!” ka dau.