Beliebte Verse in YOHANIS 16

Teilen

Om poboroson ngai' ku nopo iti, om kaanu kou i' do kosimbayanan do ginawo tu' poingiso' kou no doho'. Hiti nopod pomogunan om oinggorit kou no. Nga' pogiroton nopo dokoyu o ginawo dokoyu! Tu' naala' ku no iti pomogunan!” ka di Yesus.

Nga' korikot nopondo i Rusod, i popotuduk dit otopot do pasal do Kinorohingan, om poiloon kou nondo dau do koinsanai'd dit ongotopot. Om a' i' iyau mimpori-pori'd mimboros tu' iri no i norongou dau o poboroson dau, om sunudan kou dau dit ongosiliu do koimbagu.

Gisom nopod dinondo, om a' kou po nokopokianu do nunu-nunu dot id suang do ngaran ku. Pokianu kou no, om kaanu kou i'; om otood kou indo kopio do gisom dot aiso' no o koiyo di kotoodo' dokoyu,” ka di Yesus.

Nga' otopot i' kopio o poboroson ku dokoyu do poingkaa: Osonong nogi' kopio dot id dokoyu do kotongkiad oku; tu' ondung a' oku kotongkiad om a' indo i Gomponguhup rumikot dot id dokoyu. Nga' ondung kotongkiad oku, om suhuon ku indo i Gomponguhup do rumikot dot id dokoyu. Korikot nopondo iyau, om pointalang nondo iyau dot id tulun do hiti'd pomogunan do komoyon kopio'd dusa, om it otopot, om pasal do kowoyo-woyoo' do Kinorohingan do momohukum.

Om iyokoyu nga' iyo nogiddi! Tumongob kou daa do dinondo poo, nga' kosolowot oku indo kawagu dokoyu, om otood kou nondo; om iso' pod tulun nga' aiso' no o milo'd mongoi pongidu' di kataadan diri do mantad id ginawo dokoyu. Om tontok nopondo do tadau'ddi, om aiso' no o tuhoton dokoyu doho'. Ponongkuyaai kou no do nunu nopo i pokionuon dokoyu di Tapa' dot id suang do ngaran ku, om patahakon no do Tapa' iri dot id dokoyu.

Ponongkuyaai kou no, do mihad kou nondo om mogihad kou, nga' otood indo o tulun do hiti'd pomogunan. Om tumongob kou nondo, nga' sumiliu indo do kataadan i katangaban dokoyu.