Beliebte Verse in KINAWANSAYAN 25

Teilen

Om boros kad TUHAN dot id dau, “Ino nopo ponontianon nu, om duwo o bansa'd tulun, osusu ko nondo do duwo o tulun di misangod; iri nopo tadi' om okoris i' ko' i taka', om it id dotuo ot osiliu do modsusurung dit id domulok,” ka dau.

Om boros kaddi dau dot id di Yakub, “Louson oku no kopio. Onuwai oku daa diya' dot okuuri' dino kasang nu'd aragang,” ka dau. (Iri noddi o kinopomoroitan dau dot i Idom.)

I Robika nopo om a' daa maganak. Nga' sambayang noddi i Isak dot id TUHAN do bagi' di Robika, i sawo dau. Om sinimbar i' kopio'd TUHAN i sambayang dau'ddi, tu' minonontian iddi i Robika.

Om boros ka di Isau, “Onuon nopo i gontok ku'ddi. Tu' motingkapatai oku nodti do louson. Om nunu poddi daa o guna' ku di gontok ku'ddi,” ka dau. Om boros ka di Yakub do suminimbar, “Sumpa' poo, do patahakon kopio nu doho' i gontok nu,” ka dau. Om sumpa' noddi i Isau, om patahako' no dau i gontok dau di don tanak do kotuahan dot id di Yakub.

Om soira' di nasawa' i tanak do koduwo om oogot tomod o palad dau do poingigit do tatad di Isau. Om iri no o kinopomungaranan dau dot i Yakub. Om tontok nopo di nosusu iyolo', om onom no nohopod o toun di Isak.

Om poinggayo-gayo po o kosianan di Isak di Isau; tu' orohian iyau do mangakan di nintorusan dit aanu di Isau; nga' i Robika no om poinggayo-gayo po kosianan dau di Yakub.