Beliebte Verse in DANIOL 7

Teilen

Om nonuan diri iyau do kuasa' om karayahan, om kuasa' do don raja', om oinsanan indo o tulun do mantad id koinsanai'd pomogunan, om bansa', om boros do mogobi-obi' dau. Om mompus-ompus nondo kasai' o kuasa' dau om a' aala' o pomorintaan dau.

Om id suang nopod pinointalang di nokito ku di totuong diri om nokokito oku do miagal-agal do tulun. Om mongoi nogi' rapou doho' i tulun diri, om nosorili' po nogid haun i tulun diri. Om ongoi no iyau insomok di poimpasi do gisom do poingompus om pinointutun diri iyau dot id poimpasi di gisom do poingompus.

Om patahakon nondo i kuasa' om kagayaan do koinsanai di pomorintaan do hiti'd pomogunan dot id tulun di songonuon do Kinorohingan dit Asawat Kopio. Om a' nondo opupus-pupusan i kuasa' diyolo' do don raja' om oinsanan nopondo o pomorinta' do hiti'd pomogunan do mogobi-obi' om mumboyo' diyolo',” ka.

Om kaanu nondod kuasa' do momorinta' i tulun do songonuon do Kinorohingan dit Asawat Kopio, om mompus-ompus o pomorintaan diyolo',” ka dau.