Beliebte Verse in Proverbios 3

Chrokuinkachónkia Itꞌéni Díos kaín a̱sán la chróndáchrohya kixin jahuá mé noha. Chrokjuaké sa̱o Díos kaín ti ixra̱ ichꞌe, ndá jehe chꞌan la tsjendoá chꞌan ti nti̱a kuèntá.

*Méxra̱ chróndáchrohya kixin jahuá imá noha; ícha jína chrókjuíkosáyehé Itꞌéni Díos; chrókui̱to̱hé ti nkehe jínahña tjénka̱yáxian.

Chrokjuíkosáyexián Itꞌéni Díos ti nkehe tjete chonta la ko chróchje̱hé chꞌan kaín ti nkehe sa̱oxín tꞌónaha. Landá ti xi̱kaha, la tso̱kaón ti nchia tꞌenkachjinañá noa la ko tso̱kaón ti nkehe tikia vino.

Nkochríxín chrótjue̱hé chojni la ko chrókjui̱chꞌiyehya ti chojni choxián. Éxi ijnko nkehe chrókjuakꞌenkí isian, la chrókꞌuitjáñahña tíhi.

*Méxra̱, xje̱eni, chrókónínkakonhña ti chrókjuinchekjasóte Itꞌéni Díos ti jaha la ko chrókónínkakonhña ti chrókjuenduáha chꞌan. *Kixin Itꞌéni Díos tjue̱he chꞌan ti nkexro tjenduéhe chꞌan éxi ijnko itꞌé xjan tjenduéhe ti xje̱en kixin tjue̱he.

Xje̱eni, chrókꞌuitjáñahña ti nkehe kjuákohá, la ko nkochríxín xráxinkaoan ti nkehe kuétua̱han. La ti xi̱kaha la isé tsjakꞌe kjuaxróxin la ko náxrjón.

Náxrjón tsjakꞌe ti nkexro tsíkꞌitja ti kjuaxrexinkaon jína la ko ti nkexro tsꞌitja tso̱nohe jína kixin tíha a̱ntsí tjete ke ti plata la ko ti nkehe tsꞌitja chojni mé a̱ntsí sínkí ke ti oro. Mé a̱ntsí sínkí tíha ke ti ixro̱ imá náxrjón tsjehe, la kohya íjnko nkehe tjenka̱yáxini tsochóntani tsjacha tso̱yóhe̱ ti kjuaxrexinkaon jína.

Ti nkojín nkexro tjanchia kixin chrókjuinki̱tsa la chróndáchrohya náhí ti noha kixin jína tsjínki̱tsa.

A̱ndá ti kjuaxrexinkaon jína mé kjuíchꞌénaxín Itꞌéni Díos ti chjasintajni la ti imá nohe chꞌan mé kjuíchꞌénaxín chꞌan ti nka̱jní.