Beliebte Verse in Proverbios 17

Ti nkexro choxián la nkochríxín tjue̱he ti jaha la éxi ijnko kichua xi̱kaha tsjinki̱tsa ti ó itsi ti ña̱o náxrjónhña.

Ti chéhe̱ a̱sén chojni la mé éxi ijnko xro̱a̱n jína; a̱ndá ti kjuatꞌává la ncheníhi chojni.

Ti tjue̱heni kíchóni la sichꞌénehñani sin kjuachꞌia, a̱ndá ti nkexro chꞌénehe kjuachꞌia ti kícho la xi̱kaha sinchekꞌitjáña ti nkexro tꞌiton.

Ti nkexro chaxín tienxín la tsjéhya nixja la ko ti nkexro nohe jína, ti nkehe nixja la tónínkákonhña tjoka.

Ijnko chojni lo̱nti̱ la ti tsotání la tja̱ko̱xi̱n éxi ijnko nkexro tienxín.

Ícha jína chrókjonieni nio nchíchjin la kjuaxróxin chrókꞌuejóni; a̱ndá kanhñó náxrjón ti chrókꞌuixin itsjé nkehe chrókjonieni a̱ndá kohya kjuaxróxin.

Ti nkexro kjuankíxin ijnko kjuanínkaon la éxi chrókuakitje̱he̱ ti tja̱tꞌo̱ tꞌinkákonhe̱n yeé ìnta̱, ícha jína tjoka sáchrókjuixin sin ntiha kixin í chrókꞌuixinhña kjuanínkaon.

Ti tsondáchro ti juez kixin jína ti nkexro tjenka̱yáxin nkehe jínahña, a̱ndá nchekjasóte chꞌan ti nkexro jína, la yóí tíha tóxrìe̱nhña Itꞌéni Díos.