Beliebte Verse in Ọphulenya 5

Teilen

No iya; ndu bụ ọgerenya ono nọdu agụ ebvu ọ̀phúú asụje: “Ọo ngu gbaru k'ewota ẹkwo ono; nyịshia ya iphe-ọhubama ono, e gude nyachishia ya ono. E gburu ngu egbugbu; I gude mee ngu gbatarụ Chileke nemadzụ; mbụ ndu shigba l'ipfu l'ipfu g'ipfu hagbukpọ l'ophu; mẹ lẹ ndu shikọta l'iphe, bụkota opfu-alị ndu dụ iche iche, nọ lẹ mgboko-a; mẹ mkpụkpu lẹ mkpụkpu gẹ mkpụkpu hakpọo l'ophu; mẹkpoo ọhamoha kpọ mgburugburu.

Ẹphe nọdu agụ ebvu agụshikpoo ya ike asụje: “Nwatụru ono, e gburu g'ọ bụru ẹja ọha ono bẹ ọ gbakwarụ g'e mee g'ike tụko lwa iya l'ẹka; l'ọo tụko iphemiphe nworu; tụko mmamiphe nweru; bụru onye-ishi iphemiphe. G'a kwabẹje iya ùbvù; jajẹ iya ajaja; gọjeru ọnu-ọma nụ iya.”

I mee phẹ: ẹphe bụgbaaru eze bya emekwaa phẹ phọ: ẹphe bụgbaaru uke kẹ Chileke anyi. Ọ bụru phẹ a-bụru ishi ndiphe l'ophu.”

Mu nụma g'iphe, bụkpoo iphe, Chileke meru dobe l'imigwe; mẹ ọphu, o meru dobe l'eliphe; mẹ ọphu o meru dobe l'ime-alị; mẹkpoo iphe, o meru dobe l'eze-ẹnyimu; tụkoru agụ ebvu asụje: “G'iphe, bụkpoo ọnu-ọma, aagọ agọgo; mẹ ùbvù g'ùbvù ha; mẹ ajaja; mẹ abụ ishi k'iphemiphe tụko bụru kẹ gụbe onye ono, nọ l'aba-eze ono waa gụbe Nwatụru ono jasụ lẹ tuutuutuu lẹ mịimiimii.”

Tọbudu iya bụ; onye lanụ l'ime ndu bụ ọgerenya ono sụ mu: “Ta arashị ẹkwa! Lekwa l'onye ono, bụ Oduma kẹ Jiuda; mbụ oshilọkpa Dévidi ono lwụakwaru ọgu ono lwụta. Ọ bụru iya bụ onye a-dụ ike phụhaa ẹkwo ono, a phụru aphụphu ono nyashịa ya iphe-ọhubama ẹsaa ono, e gude nyachia ya ono.”