Beliebte Verse in Filipayi 2

Teilen

Unu ta akpajẹkwa ẹnya l'iphemiphe, unu eme. Ọphu unu ekujekwa onwunu iphe, unu ahadụ g'ọo ya l'iphe, unu emekpọo ememe. Unu wozeje onwunu alị l'ẹka nwibe unu nọ. G'onyemonye rịjeepho l'iphe, gbaru k'ememe bụ g'a ka akwabẹ nwibe iya ùbvù; eme lẹ yẹbedua. G'ọ tọ dụkwa g'unu ha onye bụepho iphe, a-dụru iya lẹ ree bẹ ọonoduje achọ kpụrumu; ọ kwa g'onyenọnu chọjekwa iphe, a-dụru ndu ọzo lẹ ree kwaphọ.

G'uche unu yẹe kẹ Kéreshi Jizọsu bụjeru iphe lanụ.

Jizọsu bẹ shiẹpho lẹ mbụ dụepho gẹ Chileke dụ. Ọphu ọ dụdu teke ọ rịjeru l'adụdu ono ọ dụ gẹ Chileke ono bẹ ya tee wofubaẹdu ẹnya. Ọ chia iphe, o mechiaru bụ l'o meru onwiya onye adụdu iphe, ọ bụ; bya eworu onwiya mee nwozi. E mee ya ọ bụru nemadzụ. Eshinu e meru iya ọ bụru nemadzụ; bẹ o wozeru onwiya alị; bya ekweta anwụhu; mbụkwa anwụhu k'eli oswebe.

Noo kẹle ọo Chileke bẹ bụ onye ereshi ire ike l'ẹhu unu. Ọo ya emeje g'unu chịa ìdzù mee iphe, dụ iya ree l'ọkpoma; mee ya g'ọ tụberu.

Noo g'o gude Chileke wolikwanaa ya eli; ọ kakọta iphemiphe l'eli. Ọ bya agụa ya ẹpha, kakọta shii l'iphe, bụ ẹpha, aazajẹ azaza; k'ọphu iphemiphe, dụ l'imigwe; mẹ ọphu dụ l'eli mgboko ọwa-a; mẹ ọphu dụ lẹ mkpula alị a-bụru; ẹphe -nụmaepho ẹpha iya ono; ẹphe egbushi ikpere; baarụ iya ẹja; waa k'ọphu onyemonye e-pfu iya hoo haa l'ọo Jizọsu Kéreshi bụ Nnajịuphu; shi ẹgube ono kwabẹ Chileke, bụ Nna ùbvù.

Sụ-a; iphemiphe, unu eme; unu ta agụjekwa aphụ me iya; ọphu unu alọjekwaru ntụmego ye iya. Ọo ya bụ k'ọphu unu l'a-bụru ndu adụkpodaa iphe, aata unu ụta iya; unu abụru ndu dụebe ree; tẹme unu abụkwarupho ụnwu Chileke; ndu adụdu iphe, ẹphe gude merwushia onwophẹ l'echilabọ ẹjo ọgbo-a, egomunggo swehuru; tẹme ẹphe nọdu anọduje eme ẹjo ememe-a. Ọ bụru l'echilabọ phẹ bẹ unu nọ egbu nwịinwii g'ìphóró lẹ mgboko-a

Ọo ya bụ; ndu mu yeru obu; teke mu l'unu shi nọdu bẹ unu shikpọekwapho anụru mu opfu. Unu kabakwaa mu anụru opfu nta-a, mu nọ unu ụzenya-a. Unu gude ndzụ-agụgu mẹ ẹhu-anmanma; meje g'a maru l'adzọtawaru unu.