Beliebte Verse in Galati 6

Teilen

Đăm brei drei jing êmăn ôh hlăm klei ngă jăk, kyuadah tơdah drei amâo êdu ai ôh drei srăng wiă tơdah truh djŏ yan.

Snăn êjai hruê găl, brei drei ngă jăk kơ jih jang mnuih, boh nik nak kơ phung ayŏng adei hlăm klei đăo.

Đru bi gui klei ktrŏ hdơ̆ng diih, snăn bi sĭt klei bhiăn Krist.

Đăm brei arăng mplư diih ôh; arăng amâo dưi mưč kơ Aê Diê ôh. Kyuadah ya mjeh arăng rah, ñu srăng wiă boh anăn mơh.

Kyuadah hlei pô rah kơ kđeh ñu pô srăng wiă mơ̆ng kđeh ñu klei rai tuč; ƀiădah hlei pô rah kơ Yang Mngăt jăk srăng wiă mơ̆ng Yang Mngăt Jăk klei hdĭp hlŏng lar.

Ơ phung ayŏng adei, diih phung mâo klei hdĭp myang, tơdah diih ƀuh sa čô lĕ hlăm klei soh, hŏng klei êdu êun mkra brei ñu wĭt ngă klei djŏ. Răng bĕ kơ diih pô msĕ mơh, huĭdah mâo klei mplư truh kơ diih.

Kyuadah tơdah sa čô mĭn ñu jing pô prŏng, ƀiădah amâo jing sĭt ôh, snăn ñu mplư ñu pô yơh. Ƀiădah brei grăp čô ksiêm dlăng bruă ñu pô, snăn ñu srăng mâo klei dưi bi mni knŏng hlăm ñu pô, amâo djŏ hlăm pô riêng gah ñu ôh. Kyuadah grăp čô srăng gui klei ktrŏ ñu pô.