Beliebte Verse in I Y-Timôthê 3

Teilen

Klei yuôm hgăm kơ klei drei mpŭ kơ Aê Diê prŏng snăk, klei anăn arăng amâo dưi hngah ôh: Pô bi êdah leh hlăm kđeh, mâo Yang Mngăt Jăk yap kpă, phung dĭng buăl jăk ƀuh Ñu leh, arăng mtô leh klei Ñu kơ phung tue, arăng đăo kơ Ñu leh hlăm lăn ala, leh anăn Aê Diê pŭ ba Ñu leh hlăm klei guh kơang.

Brei khua pô mtô jing sa čô amâo mâo klei arăng dưi ƀuah ôh, dôk knŏng sa čô mô̆, thâo dôk djŏ hnơ̆ng, thâo piăt, mâo klei arăng mpŭ, thâo jum mnuih, thâo mtô

Brei ñu kiă kriê sang ñu pô bi jăk, thâo kiă kriê phung anak ñu brei thâo gưt asăp thâo mpŭ kơ ñu.

Brei phung khua sang yang dôk knŏng sa čô mô̆, leh anăn brei diñu kiă kriê bi jăk phung anak diñu leh anăn sang diñu. Kyuadah phung jing khua sang yang mă bruă jăk srăng mâo klei arăng mpŭ kơ diñu leh anăn dưi blŭ hŏng klei jhŏng djŏ kơ klei đăo kơ Krist Yêsu.