Beliebte Verse in Apostolo 2

Teilen

Kabo Petelo ye hededelau udiyedi ye wane, “Kesega kesega bena ku nuwabui yo ka hebabatisoigo Yesu Keliso hesanaena, unai kabo Yaubada yom yababa ye nuwatugabaedi, yo yona kainauya Yaluwana Tabuna kabo ku hai.

Se patulau taukawamamohoi wa udiyedi na se hebodakesega. Se lapulapui apostolo yodi lauhekata wa udiyedi yo se koikoigogoi, yo Guiyau yona kaikaigogo henuwaisinina unai se kaikaigogoi, yo se tapwatapwalologogoi.

Na Yaluwa Tabuna maudoidi wa ye hemwayaudi na yona gigibwaliyena se hetubu kalina udoiꞌudoi udiyedi se hedehedede.

Makesega na dagugu lakilakina galewa ne unai ye dobima doha yaumailakilaki ye lotalu. Yodi kabamiya numana wa meta dagugu ye hemwayau. Na ginauli hesau se kita kana kao doha kaiwa pulupululuna ye dobima na ye tatagwaligwali ede ye talu tamowai kesega kesega unai. Na Yaluwa Tabuna maudoidi wa ye hemwayaudi na yona gigibwaliyena se hetubu kalina udoiꞌudoi udiyedi se hedehedede.

Mayadai kesega kesega se lagelagegogoi numa tabuna bakubakuna unai. Yo hinage yodi numa udiyedi Guiyau yona kaikaigogo henuwaisinina se ginauli, yo se kaikaigogoi ma gwaugwauyaladi yo ma nuwadobidobidi, yo Yaubada se hedehedebasaei. Na boda maudoidi taukawamamohoi wa se kitahenamwadi. Na mayadai maudoina Guiyau tamowai ye gilihaidi na ye tolelaedi ekalesiya bodana wa unai.

‘Yaubada ye wane, “Mayadai gehegehediyao udiyedi kabo yaluwagu ya inidobiyei tamowai maudoidi udiyedi. Natumiyao loheloheyao yo sinesineo kabo se hededepeloweta. Yomi hewahewaliyo kabo tautau tabudi se kitadi. Yomi tautaubadao meta kabo kenosuwai tabudiyao se kenosuwaiyedi.

Taukawamamohoi wa se lagelagegogoi na yodi gogo se kaikainauyaꞌuyoidi. Yodi gogo yo yodi tano hekadiyo se lokunegabaedi na monidiyao se haidi na kadi boda wa unai tamowai hekadiyao se saguidi.

Na kaiteyadi se yogasae Guiyau unai, meta kabo ye gilihaidi.” ’ ”

Yada ne unai kabo laulau gigigigibwalidi se masalaha. Mahana kabo ye masigili, na nawalai kabo ye bui doha kwasina. Na kaiyaulina unai kabo hekihekinoi se masalaha, meta kwasina, kaiwa, yo kasu lakilakina. Mulina ne unai Guiyau yona mayadai wasawasana yo namanamalina kabo ye lage.