Beliebte Verse in Eks 20

Teilen

“Inau navi Iahova, Ahi onami, koa nalah lat kami ran out Isip, out koa kami mivi slev keil enges ien. Minahatei netan min ahi sav keil, miheha netan min inau nges.

Minoumontei nana koa nakur niniven tounah keil amul nesa en teilang, vuo amul netan en atan, vuo en huinev ten atas. Minamalinglingtei ka minahatei netan min etai nana, veni inau navi Iahova, Ahi onami, ka ek rovattei kami mivousil ahi savsav keil. Koakeil aseseinau, nisan mahien heat keil, titae keil, havine keil ka hehita hetokol titae keil one mun.

Mihehouhou min tata ka mama onami keil, hesakini moulien onami hetaveah en atan koa nisani min kami.

Mihehuli kat avong ten Sabat ka mihehouhou eni veni kei vi votut.

Minaselus entei en isok natal rendemien tisa vuo heisav enges veni inau navi Iahova, Ahi onami, ka nisan mahien min meatin koa kur heisav en isok.

Avong onami heite ahetai (6) keke mihoumon umen onami keil eni. Ka avong koa oulu (7) vi Sabat, avong koa miheling lati hehi onak, Iahova, Ahi onami. En avong enek, kami, titami, slev onami, buluk ka sipsip esomi, ka meatin keil ten out sav emun koa umai aro ral min kami, kami vasi mihermumtei.

Envatien onami nalentei eim mon hanu sav, vuo ahin onen, vuo slev onen, vuo buluk ka sipsip esen, vuo dongki esen, vuo tounah sav keil onen.”

Minoumontei luvosien naha kat isen meatin sav.

Minakurtei ahin vuo meatin onen hanu sav.

Minouastei meatin namat.

Minahenantei tounah onen meatin sav.