Beliebte Verse in عٍقّسّ 5

Teilen

نَ كُي، وٌ تٌ بَرَ قِندِ عَلَ شَ دِ شَنُشِيٍ رَ، وٌ شَ عَ قْشِ نَن نَبَ. وٌ شَ حّرّ شَنُنتٍيَ كُي عَلْ عَلَ شَ مِشِ سُفَندِشِ وٌن شَنُشِ كِ نَشّ، عَ عَ يّتّ قِ وٌن مَ قٍ رَ، عَ قِندِ وٌن مَ سّرّشّ رَ نَشَن لَبُندّ شِرِ رَقَن عَلَ مَ.

نَ كُي، وٌ مّينِ وٌ حّرّ كِ مَ. وٌ نَشَ وٌ حّرّ عَلْ شَشِلِتَرٍيٍ. وٌ شَ وٌ حّرّ نّ عَلْ شَشِلِمَيٍ. وٌ مّينِ يِ تّمُي مَ، بَرِ مَ يِ تّمُي مُ قَن.

وّنِ نَشَ وٌ رَ سِيسِ، بَرِ مَ شَشِلِتَرٍحَ نَن نَ كِ. وٌ شَ كَمَلِ عَلَ شَشِلِ سّنِيّنشِ نَن نَ. وٌ شَ وْيّن وٌ بٌرٍ بّ سُوكِ نُن بّيتِ رَ. وٌ شَ سُوكِيٍ نُن بّيتِيٍ بَ مَرِفِ بّ نَشٍيٍ كٍلِمَ وٌ بْحّ يَتِ يَتِ مَ. وٌ شَ تَنتُي رَ سِفَ بَبَ عَلَ مَ قٍ بِرِن شَ قٍ رَ، تّمُي بِرِن. وٌ شَ نَ رَبَ عَلَ شَ مِشِ سُفَندِشِ مَرِفِ عِسَ شِلِ سَابُي رَ.

نَ نَ عَ رَ، عَ مُ لَن وٌ شَ وٌ حّرّ عَلْ شَشِلِتَرٍ. وٌ شَ كٌلٌن سْتْ مَرِفِ وَشْنقٍ مَ.

شّمّيٍ، وٌ شَ وٌ شَ فِنّيٍ شَنُ عَلْ عَلَ شَ مِشِ سُفَندِشِ دَنشَنِيَتْي حَمَ شَنُشِ كِ نَشّ. عَ عَ يّتّ قِ دَنشَنِيَتْي حَمَ شَ قٍ رَ

سِنفٍ، دِ مِ نَن نُ وٌ رَ، كْنْ يَكْسِ، وٌ بَرَ قِندِ نَءِيَلَنيِ رَ مَرِفِ سَابُي رَ. وٌ شَ وٌ حّرّ عَلْ عَ لَن نَءِيَلَنيِ شَ دِيٍ شَ عٍ حّرّ كِ نَشّ.

وٌ شَ وٌ يّتّ مَفٌرٌ وٌ بٌرٍ بّ عَلَ شَ مِشِ سُفَندِشِ شَ يَرَفَاشُي كُي.

فِنّيٍ، وٌ شَ وٌ يّتّ مَفٌرٌ وٌ شَ مْرِيٍ بّ، عَلْ وٌ وٌ يّتّ مَفٌرٌ مَ مَرِفِ بّ كِ نَشّ.

كْنْ كَنكَن شَ عَ شَ فِنّ شَنُ عَلْ عَ يّتّ يَتِ. فِنّ قَن لَنمَ عَ شَ عَ شَ مْرِ بِنيَ.

«نَ كُي، شّمّ قَمَ نّ كٍلِدٍ عَ بَبَ نُن عَ نفَ شُن مَ، عَ عَ مَسٌ عَ شَ فِنّ رَ، عٍ قِندِ قَتٍ كٍرٍن نَ.»

وٌ نَشَ وٌ فبٍ رَ سٌ دِ مِ شَ وَلِ كٌبِ يَ مَ قٍوٌ! وٌ شَ نَ قٍ مْولِ رَ مِنِ كّنّ مَ.