Beliebte Verse in Filipi'en 2

Teilen

To' on mbaɗ koo ɗume nder yiɗde hoore koo mawnitaare, ammaa leestinee ko'e mooɗon, sey ndaaron woɓɓe kama ɓe ɓurii on. To' koo moye mooɗon yillo ko nafata hoore muuɗum tan, ammaa o yilloo ko nafata woɓɓe boo.

Ngooree gikku Yeesu Almasiifu tawee nder mooɗon 

Kanko laatiiɗo Allah, o raaraay fotgo e Allah kama fii jogeteeɗum e semmbee, ammaa o leestinii hoore ma'ako, o jaɓii laataago maccuɗo, o rimaama kama neɗɗo. O vanngii kama neɗɗo, o leestinii hoore ma'ako, o ɗowtanii Allah faa o maayi, maayde dow *gaafagal.

Gam Allah e huwa nder mooɗon, faa ngiɗon waɗgo ko veli mo.

Gam ma'ajum Allah teddini mo korey, o hokki mo innde ɓurnde inɗe fuu, gam to innde Yeesu noddaama, koo moye no diccoto yeeso ma'ako, ko woni toon dow e ko woni dow lesdi e ko woni lees lesdi fuu. Kadimaa ɗemɗe fuu no mbi'ey Yeesu Almasiifu woni Jawmiraawo, gam Allah *Baabiraawo teddinee.

Nder ko kuwoton fuu, to' on mboyto, to' on njokkir, gam laatooɗon seniiɓe ɓe ngalaa feloore, laatooɗon ɓiɓɓe Allah laaɓɓe, wonɓe nder jaamaniiru selndu bonndu. Laatee yaynotooɓe nder duuniyaaru kama jayngol koode

Gam ma'ajum higooɓe am ɓe ngiɗmi, noon no ɗowtorinooɗon wakkaci fuu, sey koo moye huura kisndam muuɗum e kulol Allah. Naa nde ngondumi e mooɗon tan, ammaa ɓuree jo'oni nde ngoɗɗiimi on.