Beliebte Verse in Galaatiya'en 5

Teilen

Ammaa Ruhu Ceniiɗo e rima yiɗde e velvelo e jam e munyal e gikku mbooɗngu e yurmeende e goonɗinki e leestinki hoore e reengo hoore. Walaa dooka nganyeyka ɗe'e kuuɗe.

Raa ko ngiɗmi vi'igo on : Ngooree *Ruhu Ceniiɗo ɗowa foofaango mooɗon, ndeen on tokkataa giɗaaɗi ɓalli mooɗon.

Nde laatii Ruhu Allah hokkii en yonki, sey njooɗorooɗen no Ruhu oon yiɗiri.

Koo moye laatii mo Yeesu *Almasiifu, giɗaaɗi ɓanndu e suunooji ma'ako kalluɗi laatanake mo mehere.

Ko giɗaaɗi ɓanndu mbannginta woni njeenu e kuuɗe nefniiɗe e cemtiniiɗe, e teddingo gumkiiji e maayta e nganyaandi e jokkirgol e koɗey e huunƴere e yiɗde hoore e luhural e ciya potal, e nalwiiru e jarɗe giya faa yiilto e nyaamtarci e kuuɗe ko nanndi e ma'ajum fuu. Emi vi'a on kadimaa, kama ko mbi'inoomi on ilaa : huweyɓe iri ɗe'e kuuɗe fuu nattataa *laamu Allah sam.

Onon banndiraaɓe, on noddaama gam laatooɗon rimɗinaaɓe. Ammaa to' on kuutinir ndimaaku mooɗon laatanoo on laawol waɗgo giɗaaɗi ɓalli, sey nii mballindiron e yiɗde.

Gam giɗaaɗi ɓanndu e luhuri e ko Ruhu yiɗi, ko Ruhu yiɗi boo e luhuri e ɓanndu. Gam daliila haɓre ma'ajum waɗi, on mbaawataa huugo booɗɗum ko ngiɗɗon huugo.

Gam *Tawreeta fuu hawti nder nde'e voliinde wo'ore : « Yiɗ ko'odiɗɗaawo maaɗa noon no ngiɗruɗaa hoore maaɗa. »

To' en laato mawnitiiɓe, koo ummindirooɓe hakkiilo, koo hollindirooɓe nalwiiru.

*Almasiifu rimɗinii en faa laatooɗen rimɓe e goonga. Gam ma'ajum, ndaree e semmbee to' on co''o nder maccungaaku.