Beliebte Verse in 1 Korontu'en 2

Teilen

Ammaa ɗum laatake kama ko *Deftere Seniinde vi'i : « Ko neɗɗo meeɗaay yi'igo, meeɗaay nango, e ko neɗɗo meeɗaay nyumgo abadaa, kanjum Allah siryanii yiɗɓe ɗum. »

Neɗɗo mo walaa Ruhu Allah waawataa jaɓgo ku'uje Ruhu, gam e ɗum laatanii mo kama vemmbere. O waawataa fahamugo ɗum sam, gam sey gada e ballal Ruhu tan ɗum fahamirtee.

Ammaa enen, Allah anndinii en sirri muuɗum gada e Ruhu Allah. Ruhu oon liinyata koo ɗume fuu, faa e nyumooji Allah lugguɗi.

Kanko oon njaɓɗen. En njaɓaay ruhu duuniyaaru, ammaa en njaɓii Ruhu ivoyɗo to Allah. Gam ma'ajum en mbaawi fahamugo caahu ngu Allah waɗani en.

Ekkitinol am e wa'aji am daraaki dow baawal bolle am, koo dow anndal yimɓe. Eɗum darii dow kuuɗe kolleyɗe baawɗe *Ruhu Allah, gam to' goonɗinki mooɗon daro dow anndal yimɓe, ammaa ki daroo dow baawɗe Allah.