Beliebte Verse in Rɔmʋkʋɛ 13

Teilen

Kɛɛ, ba ‑ha 'le Kʋkɔnyɔ ‑Yusu 'Klɩsʋ a ꞊pɩ lɛ, ‑ɛ die nu, 'a nunuklɔ 'mʋ 'a nɩ nunuklɔ 'mʋ 'ya. 'Yilɛnyre‑tɔplɩ ꞊nʋ, ‑ɩ kɔ 'tʋʋ 'a mʋ nu, a nɩ wɛɛn 'le ke, 'ke bɩ kɔɔ 'a mʋ win ke, kɔ, a nɩ ‑hii 'le 'klɛɛ lele 'lu ‑wɔn lɛ.

Ɛ 'de ye blɛ bɛ hie 'o dɛ ꞊de, a kɔ ba nu, 'ke 'o 'a nɩ 'be ‑tʋnahuon ‑wɔn, 'bɛ 'de 'a 'mʋnʋɛlɛ. Nahuon ꞊nʋ, ‑ɔ nʋɛ 'a 'bienʋ ‑tʋnahuin 'mʋ, nɔ‑ɔ 'o Nyɩsʋa a tetei 'bii 'o ꞊tuu.

'Ɛ nɩ nahuon blɛ ye bɔ ꞊tuu 'o 'blʋgba a naanyʋ, ‑ɛ nue, nahuin 'bii, ‑ʋʋ 'blʋgba naa, Nyɩsʋa'a nɩ, ‑ɔ ‑nyi ꞊nʋ 'klɩ a ‑gbɛ, kɔ, nɔ‑ɔ nɩ, ‑ɔɔ 'o 'blʋgbanaanyʋ gblɛ ꞊tu.

Ɛ 'we ꞊nɔ ye, ‑nyrɛɛ lɛ 'nɩ cɛ, 'tɔyrʋwɔ ‑hi nɩ. 'A ‑tɩ, ‑ba 'kee 'yilɛnyre‑tɔplɩ ꞊nʋ a nunue, nahuiin nu, 'ke 'le 'tɔyrʋwɔ 'kwli 'mʋ. Kɛɛ, ɛ nɔɔ 'o lɛ, 'ke ‑ba 'ba Nyɩsʋa a ta‑wɔn‑tɔplɩ 'mʋ, ‑a di nu, ‑a 'mʋ tʋ ‑wɔn ‑nyrɛ 'mʋ.

Nahuon 'bɔ nʋɛ 'a 'be ‑tʋnahuon 'mʋ, ɔ 'nɩ nuo ꞊le dɛ 'klan 'mʋ. Nɛ‑ nue, 'bɩa ꞊nɩ nʋɛ ‑na 'bienʋ ‑tʋnahuin 'mʋ, ‑ye ‑nɩɩ 'o Nyɩsʋa a tetei 'bii 'o 'nɩ ꞊tuu.

Ba ‑nyi 'ɛ nɩ nahuon dɛ a kɔ ba ‑nyi ꞊nɔ. 'Ba kɔ 'ɛ nɩ 'blʋwli a 'pɛɛlɛ, ba 'pɩɩ. 'Ba kɔ ba ‑nyi nahuon 'o꞊tuulɛ, ba ‑nye ꞊nɔ. 'Ba kɔ ba ‑nyi nahuon ‑tɩ a 'yi'bʋaalɛ, ba ‑nye ꞊nɔ.