Beliebte Verse in Mateo 9

Ne migkag̵i si Jesus diyà te menge sumusundan din te, “Mezakel pezem is edawat te Meupiya he Tudtulanen. Iring sikandan te kamet he nelutuan en. Meluag heini is kamet, iyan, deisey kiw zà is ebpemenlegtey. Iampù niw ziyà te Nengazen he sug̵ua zin pa zini te kamet din is duma pa he ebpekelegtey.”

Susiya niw ke hengkey is kehulug̵an duen te insurat he Lalag te Megbevayà he egkag̵i te, ‘Kenè ku iyan egkesuatan is kebpemuhat niw, kekenà, iyan egkesuatan ku is kebpekedhihizuwè niw.’ ” Ne mid-uman megkag̵i si Jesus te, “Siak, wazà a medhendini wey ku ikepeengked te ed-ulaula te mezaat is menge metazeng, kekenà, iyan is menge mesinupaken te Megbevayà.”

Ne kada zin egkeahà is mezakel he menge etew zutun, egkengehizuwan din sikandan su mezakel is menge seeng dan ne wazà ebpeketavang kandan. Iring sikandan te menge ayam he kerehidu he wazà ed-elima kandan.

Nezineg haazà ni Jesus ne midtavak sikandin pinaag̵i te sempità, ke sikandin te, “Sikan is wazè din daru, ne kenà egkinahanglan he ebpevawì, kekenà, iyan dà sikan is duen din daru.

Ne neeneb ni Jesus is langun he menge inged dutun wey menge unayan. Mibpenurù din is menge etew zutun diyà te seled te menge simbahan dan wey impesavut din diyà te kandan is Meupiya he Tudtulanen te keag̵i te kedhadì te Megbevayà. Nengeulian din is menge etew te minsan hengkey he zaru wey ebpenggezamen dan.