Beliebte Verse in Mo꞉mo꞉do꞉ 1

A꞉la꞉dimidalita꞉ga꞉yo꞉ Gode eyo꞉ a꞉la꞉sio꞉, “Niliyo꞉ kaluka꞉isaleyo꞉ dimidakiyo꞉, ninin misido꞉ o꞉ngo꞉ doma꞉ki, a꞉la꞉ta꞉ga꞉ ninin asulo꞉ o꞉ngo꞉ doma꞉ki dimidama꞉niki. Kaluka꞉isale wema꞉yo꞉ ka꞉ ho꞉n amilo꞉ sano꞉lo꞉, o꞉ba꞉ iwalulo꞉ sano꞉lo꞉, no꞉ fofano꞉lo꞉, a꞉la꞉ta꞉ga꞉ no꞉ kelego꞉ galin hen amilo꞉ dalolia꞉ ha꞉nano꞉lo꞉, henfelo꞉ amilo꞉ a꞉lab we tambo imo꞉ bo꞉fo꞉melea꞉ki ta꞉fa꞉no꞉.” A꞉la꞉fo꞉ko꞉lo꞉ kaluka꞉isaleyo꞉ asulo꞉ o꞉lia꞉ misido꞉ o꞉lia꞉yo꞉ Godeya꞉ enen o꞉ngo꞉ dimido꞉. Inin misido꞉ o꞉ngo꞉ dimido꞉ a꞉namio꞉, kalu o꞉lia꞉ ga o꞉lia꞉ ko꞉lo꞉ ta꞉fo꞉.

Gode eyo꞉ iyo꞉ halaido꞉ nafa mesea꞉kiyo꞉, towo꞉ a꞉la꞉sio꞉, “Giliyo꞉ so꞉wayo꞉ sa꞉la꞉la꞉i ha꞉nakiyo꞉, modo꞉ fa꞉la꞉dowaki, henfelo꞉ we tambo ilila꞉bi. A꞉la꞉ta꞉ga꞉ henfelo꞉ we tambo gili bo꞉fo꞉lubi. Ka꞉ ho꞉n amilo꞉ sano꞉lo꞉, o꞉ba꞉ dalolia꞉ga꞉lo꞉ siano꞉lo꞉, no꞉ fofano꞉lo꞉, a꞉la꞉ta꞉ga꞉ no꞉ kelego꞉ galin hen amilo꞉ dalale sano꞉lo꞉, a꞉no꞉ tambo gili bo꞉fo꞉lubi.”

Tamindeya mo꞉mo꞉dakiyo꞉, Gode eyo꞉ akin o꞉lia꞉ henfelo꞉ o꞉lia꞉ dimido꞉.

Hen misido꞉wo꞉ aundo꞉ma a꞉la꞉ta꞉ga꞉ fo꞉fo꞉dolo꞉ ko꞉lo꞉ elen. Ho꞉na꞉yo꞉ heno꞉ go꞉lula꞉fo꞉labikiyo꞉, tambo sololiya elen. A꞉la꞉ta꞉ga꞉ Godeya꞉ ene Mamayo꞉ ho꞉n wa꞉l a꞉na sia꞉len.

Gode eyo꞉ a꞉la꞉sio꞉, “Ho꞉wo꞉ fa꞉la꞉doma” a꞉la꞉sa꞉labiki, ho꞉wo꞉ a꞉na fa꞉la꞉dowo꞉.

Kelego꞉ tambo enedo꞉ dimido꞉ a꞉no꞉, Gode eyo꞉ mada nafale ba꞉ba꞉. Ho꞉leno꞉ a꞉la꞉ga꞉ sololiabiki, ho꞉len do꞉go꞉feyo꞉ o꞉m.

Gode eyo꞉ ho꞉ a꞉no꞉ nafa ba꞉dabikiyo꞉, ho꞉ o꞉lia꞉ sololi a꞉no꞉lia꞉yo꞉ a꞉na alobanala꞉.

A꞉la꞉ta꞉ga꞉ Gode eyo꞉ a꞉sa꞉lakiyo꞉, “Henfelo꞉ amilo꞉ e folo꞉ hedan o꞉lia꞉, i folo꞉ hedan o꞉lia꞉ a꞉no꞉ tambo gimo꞉ maiya꞉ki dimio꞉l.

A꞉la꞉ta꞉ga꞉ Gode eyo꞉ ho꞉ a꞉no꞉ “Ho꞉len” wikilaki, sololi a꞉no꞉ “Nulu” wikilo꞉. Ho꞉leno꞉ a꞉la꞉ga꞉ sololiabiki, ho꞉len agelo꞉ o꞉m.

Gode eyo꞉ a꞉la꞉sio꞉, “Ho꞉n we aloba꞉dakiyo꞉, ho꞉ndo꞉ ka꞉ma꞉no꞉ kelego꞉wo꞉ usamio꞉ fa꞉la꞉doma.” A꞉la꞉sa꞉labiki a꞉naka fa꞉la꞉dowo꞉. Ho꞉ndo꞉ ka꞉lan kelego꞉wo꞉ dia꞉tabiki, ho꞉no꞉ usa alobanala꞉. Ho꞉n nowo꞉ iwalu ta꞉taki, ho꞉n nowo꞉ ha꞉ga ta꞉fo꞉.

No꞉ hen amilo꞉ sano꞉lo꞉, o꞉ba꞉ iwalulo꞉ dalolia꞉ga꞉lo꞉ siano꞉lo꞉, a꞉la꞉ta꞉ga꞉ no꞉ kelego꞉ galin hen amilo꞉ dalolia꞉ ha꞉nano꞉lo꞉, kelego꞉ tambo mela꞉no꞉lo꞉ a꞉lab i a꞉no꞉ i fo꞉s o꞉lia꞉ fugus o꞉lia꞉yo꞉ imo꞉ maiya꞉ki dimio꞉l.” A꞉la꞉sa꞉labiki a꞉la꞉ka fa꞉la꞉dowo꞉.

A꞉la꞉ta꞉ga꞉ Gode eyo꞉ a꞉la꞉sio꞉, “Akin a꞉namio꞉ ho꞉len o꞉lia꞉ nulu o꞉lia꞉yo꞉ alobanama꞉ki, ho꞉lo꞉ doma꞉no꞉wo꞉ tambo fa꞉la꞉doma. Ho꞉ a꞉ma꞉yo꞉ ele ba꞉ba꞉no꞉ dowakiyo꞉, ho꞉leno꞉, donayo꞉, ta꞉no꞉, imo꞉wo꞉ a꞉ma꞉ aloba꞉da꞉melea꞉ki ta꞉fo꞉.

A꞉la꞉ta꞉ga꞉ Gode eyo꞉ a꞉la꞉sio꞉, “Hen amilo꞉ fa꞉la꞉ba꞉no꞉ kelego꞉ a꞉no꞉ tambo fa꞉la꞉doma. I ko꞉li ko꞉lilo꞉ o꞉lia꞉, e ko꞉li ko꞉lilo꞉ o꞉lia꞉ a꞉no꞉ tambo fowo꞉ enedo꞉leko꞉ helema꞉ki fa꞉la꞉doma.” A꞉la꞉sa꞉labiki a꞉la꞉ka fa꞉la꞉dowo꞉.

Gode eyo꞉ a꞉la꞉sio꞉, “Ho꞉n we aloba꞉dakiyo꞉, ho꞉ndo꞉ ka꞉ma꞉no꞉ kelego꞉wo꞉ usamio꞉ fa꞉la꞉doma.” A꞉la꞉sa꞉labiki a꞉naka fa꞉la꞉dowo꞉. Ho꞉ndo꞉ ka꞉lan kelego꞉wo꞉ dia꞉tabiki, ho꞉no꞉ usa alobanala꞉. Ho꞉n nowo꞉ iwalu ta꞉taki, ho꞉n nowo꞉ ha꞉ga ta꞉fo꞉.

Henfelo꞉ amilo꞉ fa꞉la꞉ndan kelego꞉, i ko꞉li ko꞉lilo꞉ o꞉lia꞉, e ko꞉li ko꞉lilo꞉ o꞉lia꞉yo꞉ tambo fa꞉la꞉ne. A꞉no꞉ tambo fowo꞉ enedo꞉leko꞉ helema꞉ki ta꞉fo꞉. A꞉la꞉ta꞉ga꞉ Gode eyo꞉ a꞉no꞉ nafa ba꞉ba꞉.

Gode eyo꞉ ho꞉wo꞉ alan a꞉la꞉ ko꞉lo꞉ dimido꞉. Ho꞉ mada alan a꞉ma꞉yo꞉ ho꞉leno꞉ e bo꞉fo꞉melea꞉ki dimido꞉. Ho꞉ alandego꞉ a꞉ma꞉yo꞉ nuluwo꞉ e bo꞉fo꞉melea꞉ki dimido꞉. A꞉la꞉ta꞉ga꞉ tamino꞉lo꞉ dimido꞉.

A꞉la꞉ta꞉ga꞉ Gode eyo꞉ a꞉la꞉sio꞉, “Akin ha꞉g amio꞉, hen kalaido꞉wo꞉ fa꞉la꞉doma꞉ki, ho꞉no꞉ nowa kegenema.” A꞉la꞉sa꞉labiki a꞉la꞉ka fa꞉la꞉dowo꞉. Kalaido꞉ a꞉no꞉ Gode eyo꞉ “hen” wikilo꞉. Ho꞉n kegenelia꞉ga꞉lo꞉ dowo꞉ a꞉no꞉ “so꞉lu ho꞉n” wikilo꞉. Gode eyo꞉ dimida꞉sa꞉ga꞉ ta꞉fo꞉ ko꞉lo꞉ nafa ba꞉ba꞉.

Gode eyo꞉ iyo꞉ halaido꞉ doma꞉ki a꞉la꞉sio꞉, “Gio꞉ inso꞉wo꞉ modo꞉ sugusulakiyo꞉, ho꞉no꞉ tambo ilila꞉bi. A꞉la꞉ta꞉ga꞉ o꞉ba꞉ gio꞉lo꞉ uso꞉ modo꞉ segesela꞉la꞉ga꞉ gula꞉sa꞉ga꞉yo꞉, henfelo꞉ we ilili alita꞉bi” a꞉la꞉dinali salifa꞉.

A꞉la꞉dimida꞉sa꞉ga꞉ Gode eyo꞉ a꞉la꞉sio꞉, “Hen wenamio꞉ no꞉ ko꞉li ko꞉lilo꞉ a꞉lab a꞉no꞉ tambo, no꞉ kaluwa꞉lo꞉ fofano꞉lo꞉, no꞉ ilaboda꞉lo꞉ sano꞉lo꞉, no꞉ kelego꞉ galin hen amilo꞉ dalolia꞉ ha꞉nano꞉lo꞉, inin misido꞉le ko꞉li ko꞉lilo꞉ a꞉no꞉ fa꞉la꞉dota꞉ga꞉ mela꞉no꞉ doma.” A꞉la꞉sa꞉labiki a꞉la꞉ka fa꞉la꞉dowo꞉.

A꞉la꞉ta꞉ga꞉ Gode eyo꞉ a꞉la꞉sio꞉, “Ho꞉n amio꞉lo꞉ mela꞉no꞉lo꞉ a꞉lab ko꞉li ko꞉lilo꞉ a꞉no꞉ ililifoma. A꞉la꞉ta꞉ga꞉ o꞉ba꞉ ko꞉li ko꞉lilo꞉ a꞉no꞉ tambo iwaluwo꞉ dalolia꞉ sima꞉ki fa꞉la꞉doma” a꞉la꞉sio꞉.

Gode eyo꞉ hen wenamilo꞉ no꞉ ko꞉li ko꞉lilo꞉ a꞉lab a꞉no꞉ tambo, no꞉ kaluwa꞉lo꞉ fofano꞉lo꞉, no꞉ ilaboda꞉lo꞉ sano꞉lo꞉, no꞉ kelego꞉ galin hen amilo꞉ dalolia꞉ ha꞉nano꞉lo꞉, inin misido꞉le ko꞉li ko꞉lilo꞉ a꞉no꞉ Gode eyo꞉ dimida꞉sa꞉ga꞉ ta꞉fo꞉ ko꞉lo꞉ nafa ba꞉ba꞉.