Beliebte Verse in Mateo 9

Teilen

Kaya sinabi niya sa mga alagad niya, “Marami ang aanihin, ngunit kakaunti ang tagapag-ani. Idalangin ninyo sa Panginoon, na siyang may-ari ng anihin, na magpadala siya ng mga manggagawa sa kanyang aanihin.”

Humayo kayo at intindihin nʼyo kung ano ang kahulugan nito: ‘Ang hinahangad koʼy ang maging maawain kayo, hindi ang handog ninyo.’ Sapagkat naparito ako hindi para tawagin ang mga taong matuwid, kundi ang mga makasalanan.”

Nang makita niya ang napakaraming tao, naawa siya sa kanila, dahil litong-lito sila at walang tumutulong sa kanila tulad ng tupang walang pastol.

Ngunit nang marinig ito ni Hesus, sinabi niya sa kanila, “Hindi ang mga taong walang sakit ang nangangailangan ng manggagamot, kundi ang mga may sakit.

Nilibot ni Hesus ang mga bayan at mga nayon, at nagturo siya sa mga sinagoga. Ipinahayag niya ang Magandang Balita tungkol sa kaharian ng Diyos, at pinagaling niya ang ibaʼt ibang uri ng sakit at karamdaman.