Beliebte Verse in Jeremias 23

Teilen

“Sino ang makapagtatago sa akin sa lihim na lugar? Hindi baʼt akoʼy nasa lahat ng sulok ng langit at lupa?” sabi ng PANGINOON.

Sinabi pa ng PANGINOON, “Darating ang araw na paghahariin ko ang isang matuwid na hari mula sa angkan ni David, isang haring mamumuno nang may karunungan, at paiiralin niya ang katuwiran at katarungan sa lupaing ito. Ito ang pangalang itatawag sa kanya, ‘Ang PANGINOON ang Ating Katuwiran.’ At sa panahong iyon, maliligtas ang Juda at magkakaroon ng kapayapaan sa Israel.

“Nakakaawa kayong mga pinuno ng mga mamamayan ko na sana ay mag-aalaga sa aking mga mamamayan tulad ng pastol ngunit pinabayaan lang ninyong mamatay at magkahiwa-hiwalay ang aking kawan!” sabi ng PANGINOON.

“Ako mismo ang magtitipon sa mga natitira kong mamamayan, ang aking kawan, mula sa ibaʼt ibang lugar kung saan ko sila ikinalat, at dadalhin ko sila pabalik sa lupain nila at muli silang dadami roon. Bibigyan ko sila ng pinunong magmamalasakit at mangangalaga sa kanila, at hindi na sila matatakot o mangangamba, at wala nang maliligaw sa kanila,” sabi ng PANGINOON.

Ito ang sinabi ng PANGINOON ng mga Hukbo: “Huwag kayong maniniwala sa sinasabi ng mga bulaang propetang ito. Pinapaasa lang nila kayo sa mga kasinungalingan. Hindi galing sa akin ang mga sinasabi nilang pangitain kundi sa sarili nilang isipan.