Beliebte Verse in Loma 3

Teilen

Tu mehipuli ataputa tu apapoe po Yaubada a wiwasawasa ta mepeu haleya. Ma tamogi Yaubada ananiꞌmbenena lunugotootogogei lawa ataputa Yesu Keliso a wimeihagei i houna idumaluta po i lupena haleta.

Yesu Keliso witumaganana uyahinei Yaubada lawa e huhouna idumaluta. Geka pite dewa Yaubada e dewedeweya tu witumagana ataputa uyahita babana ega meka ani kahana.

Yaubada Yesu i yambeneneya naka talana tauna ata apapoe ani paligigilahi po apo lawa ata witumaganagei tana ialoni. Geka dewana Yaubada i deweya ipa a dewadumalu ina wogeleteya. Matababana houga hi kokoe u hinehi tauna lawa hai apapoe i nugoyatogehi po i galena halehi. Ma geka hougana a dewadumalu i laimoineya natuna a hilage uyahinei. Yaka lawa ata powa e genogenogehi ta galena tuhagaya po i laugeleteya naka tauna i dumalu po Yesu tu witumagana ataputa e huhouna idumaluta.

Matababana apega iyai gehouna ina pa, ‘Yaubada u matana tau a dumalu babana a lugagayo awai i bahebaheya atapuna a metagoya’. Lugagayo a bagibagi lawa e dewahi po he galena mehi naka hi apapoe.

Amaka mei Yaubada a Buka u hinena hi gilugilumi pite hi pa, ‘Ega iyai gehouna ita dumalu, eega duma. Ega iyai gehouna ita hanapu po ega iyai Yaubada ita bibiheya. Lawa atapuhi Yaubada hi meme puputeya po hi welupowa. Ega iyai dewa dumadumaluna ita dewedeweya, eega duma.

Matababana amaka ta galena tuhagaya naka Yaubada lawa e huhouna idumaluta ata witumaganagei ma ega lugagayo wotagona uyahinei.

Apeega. Hawena lawa atapuhi he ikoyakoyama ma Yaubada apega ina koyama. Amaka mei Yaubada a Buka uyahina hi gilugilumi pite hi pa, ‘Om baha uyahihi ipa lawa hina kawaidumalugem. Hoi luhetala om baha ina dumalu po apega lawa hina panim.’