Beliebte Verse in 1 Pita 1

Teilen

Yaubada ta wotalagiyeya, tauna ata Guyau Yesu Keliso Amana, tauna a lunugotootogo i lata duma uyahita yaka luyagohana wouna i weleta, po ta guni meta. Ma gwauta i yala houga e nenei binei babana Yesu Keliso hilage uyahinei amaka i towolo meme, po ata meyagai hoi yada e noonogogeya, uyahina apega buda po apapoe ta wialoni.

Yaka ta kaoha labatana u nugonugota, ma tamogi houga kuku hotana uyahita apo nugodubu po wiyuwa ta wialonihi. Ludadanahi Yaubada uyahinei ipa ata witumagana a kadidili ina lugeleteya. Tauta galenata mei gole, naka lawa he apuya po ginouli yeuyeu dumana. Naka pitenana ata witumagana gole i gelagoni babana ginouli memewahagana, ma tamogi ludadanahi Yaubada uyahinei po ipa ina liyeuyeuta, po Yesu Keliso a houga gunawilana iyetana uyahina ta huneya po ta wotalagiyeya po ina gelagona duma.

Mae waiwoiyawana ona wotagoya babana Yaubada tauna a mae i wiwoiyawa. Mei Yaubada a Buka uyahina hi bahebaheya hi pa, wiwoiyawa maena ona mimiyeya babana tau woiyawa.

Yaubada uyahina ona wiponawogo ma ega omi luhogala apapoehi hina tanitaniwagemi, po mei lolowa omi winugoneina hougahi uyahihi.

Uyahinei, ona nugokadidili dewa dewadewana binei, ma upumi hina hegoya. Ma ona inugonugotuhu lagona Yesu Keliso a lunugotootogo hougana ina wogeleteya uyahina apo ina welemi.

Mei Yaubada a Buka i bahebaheya i pa, ‘Lawa ataputa galenata mei hiyamoni, yaka ata didiga mei hiyamoni belahi. Matababana hiyamoni houga kuku hotana ma apo ina hilage, ma a bela apo ina kokodila po ina peu. Ma Yaubada a baha apega ina buda.’ Tauna bahana houga magomagouna ta noonoli tuwega dewadewana uyahinei.