Beliebte Verse in Lom 14

Teilen

Ên môp wê il tu Anutu nue dɨ la vac i kwa ngɨbi ge, kehe o yêp vac yaên yuu numên lêm. Nge, kehe bêga nêbê il dô vac môp nivɨha yuu kɨyang malehe dɨ xêyaa nivɨha wê Myakɨlôhô Ngɨbua vông ge. Om xomxo obêc tu Kɨlisi nue yuac dɨ dô vac môp tigee ge od Anutu ob yê he nivɨha dɨ xomxo êno ob pɨmil he.

Ên buc wê il dô madvɨha ge od il ob vông Apumtau lê i vô levac, dɨ il obêc xib ge od il ob vông Apumtau lê i vô levac hɨxôn. Om il obêc dô madvɨha me il obêc xib ge od il ob tu Apumtau xe.

Mêgem il ob tɨmu vô môp wê xêyaa vin lec maên ge dɨ dô vac kɨyang malehe nɨlô, dɨ il ob ngɨduma xôn vac vông vinên.

Om il ob sea môp wê il ob xê lige ngwe tɨyiên ma ge, dɨ il ob xovô môp bêga bê môp wê ob vông lige sea vông vinên wê he vông ge dɨ vông he la vac môp wê he yê nêbê nipaên ge, il ob vông môp tibêge lêm.

Tɨyi xocbê kɨyang wê Apumtau nêl dɨ i yêp vac xolac bêga nêbê, “A nêl hɨxôn nôn ên a nêbê xomxo vɨhati yang ob yev vɨxa kɨtu vô a, dɨ nêl a kɨtong seac bêga bê a ga Anutu nôn.” Om il ob xovô bêga bê il toto obêc nêl môp wê il vông gê kɨbun ga kehe kɨtong vô Anutu vô buc tɨmuên.

Xomxo wê vông i vin Yesu pyap lêc vông vinên wê he vông ge gên o vô xêkɨzêc lec lêm ge, od xam vông he lam dô vac xam mahɨgun, dɨ xam o lêc ngaênma lec kɨyang yaya wê xomxo tigee vông ge lêm.

Bêna lêc xam nêb xam ob vông kɨyang vô xomxo ngwe nue yuacê? Xomxo tigee, Apumtau tu he nên levac om obêc yaxên môp wê he vông ge dɨ nêl bê tɨyi me tɨyiên ma. Lêc môp wê he vông ge obêc tɨyi, ên Apumtau vaci ob ngɨdu he xôn dɨ vông he le xêkɨzêc.