Beliebte Verse in Metiu 23

Teilen

Ndramak nyaran tinan ereu ndrokowa aha iy kasahan lohowan taha.

Ndramak atudun nyaran amwenen ili loken, nyaran kameh eme andri, ya are lau amekes nyaran amwenen eme andri, nyaran kameh ili loken.”

“Ado lau ta leheya kandriyen tiri Juwis ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Iri bake mari badu bolo bilin ado apou ari, ari i ronoh, ronoh, ya ado adeu ari ari badu bolo ronoh doh, i ta Kindrei. Idoh mwasin, arile ado ndramani iri sahou tinan badu bolo batanau ta Kindrei, buku none kandriyen ta anuhun sahou amwenen, ma tikisiy lau, ma adeu budon boto-on i ta Laban. Sebwe mwasin ta ado ka-en hamon ta sahou batanau tinan ma ado samani iri sahou batanau bwisik nane ale.

“Ado lau ta leheya kandriyen tiri Juwis ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Ado sikine kona bwesam ma kona bwekei amwenen, arile nyamon ale ado apwe irek in bolo bwekei tado, ado akohok i san ta bahana ma san ta ndrakok.

Jises asehek sahou ja anya, “Jerusalem, Jerusalem, jo tikisi ado labai, ado adai iri propet, ma ado ateu iri lau Kindrei suni iri ame atou ado, ma ado orowei iri na bek ma adai iri amak. San solo-an jo anya katukumwi nadum oro, buku none iri kakaro tukumwi nadu iri areu bahandra bani iri. Arile ado bwale ado!

Ado a buku aliy adeh. Iri lau atou bada ado, iri anya ado mwasin. Arile bolo oda ado kodo-oh irek ta sahou wasai ma kandriyen ta ba-en hamon ta sahou batanau bwe.”