Beliebte Verse in Romanyon 2

Teilen

A dybydh, A dhen, y skeusydh a vreus Duw pan vreusydh an re a wra taklow a'n par na ha ty dha honan orth aga gul? Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

Ytho ny'th eus askus, A dhen, piwpynag a vi, ow preusi den arall; rag pan vreusydh den arall y preusydh er dha bynn dha honan rag ty, an breusyas, a wra an keth taklow dha honan.

Rag nyns eus faverans gans Duw.

Rag nyns yw goslowysi an lagha hag yw justifiys a-rag Duw, mes gwrioryon an lagha hag a vydh prevys ewn.

Rag yth attal dhe bub den herwydh y oberow

Mes rag an re neb der avi yw diwostyth dhe'n gwiryonedh, mes dhe'n droktra gostyth y fydh konnar ha sorr bras.

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.