Beliebte Verse in Niverow 22

Teilen

Ena an ARLOEDH a igoras ganow an asen, ha hi a leveris dhe Balaam, ‘Pandr'a wrug vy dhis ma'm gweskis an teyr gweyth ma?’

Ena an ARLOEDH a igoras dewlagas Balaam, hag ev a welas el an ARLOEDH, ow sevel y'n fordh, ha'y gledha noeth yn y dhorn; hag ev a omblegyas, ha koedha war y fas.

Hag el an ARLOEDH a leveris dhodho, ‘Prag y hwesksys dha asen an teyr gweyth ma? Otta, my re dheuth yn-mes dhe'th enebi, rag dha fordh yw gorth a-ragov

Ha'n asen a leveris dhe Balaam, ‘A nyns ov vy dha asen, warnav may farghegsys pup-prys a-ban veuv vy dhis bys y'n jydh ma? En vy bythkweth usys dhe wul yndellma dhis?’ Hag ev a leveris, ‘Nag es.’

Ha Balaam a leveris dhe'n asen, ‘Drefenn ty dhe wul ges ahanav: a pe kledha y'm dorn, erbynn lemmyn my a'th ladhsa.’

Pan welas an asen el an ARLOEDH, hi a wrowedhas yn-dann Balaam; ha sorr Balaam a veu enowys, hag ev a weskis an asen gans y welenn.