Beliebte Verse in Niverow 20

Teilen

Ha'n ARLOEDH a leveris dhe Moyses ha dhe Aron, ‘Drefenn na dres'sowgh ynnov, dhe'm sanshe yn lagasow mebyon Ysrael, rakhenna ny vydhowgh ow tri an gemmynieth ma y'n tir re res dhedha.’

Kemmer an welenn, ha dri an kuntelles war-barth, ty hag Aron dha vroder, ha kewsewgh orth an garrek a-rag aga lagasow ha hi a re hy dowr; yndellma ty a dhre dowr yn-mes a'n garrek ragdha; yndellma ty a re diwes dhe'n kuntelles ha'ga chatel.

Ha Moyses a dhrehevis y dhorn ha gweskel an garrek gans y welenn diwweyth; ha dowr a dheuth yn-mes yn lanwes, ha'n kuntelles a evas, ha'ga chatel.

Ena Moyses hag Aron a guntellas an gemmynieth war-barth a-rag an garrek, hag ev a leveris dhedha, ‘Klewewgh lemmyn, a dus dhiwostyth; a wren ni dri dowr ragowgh yn-mes a'n garrek ma?’