Beliebte Verse in Jenesis 8

Teilen

Pan vlasas an ARLOEDH an sawer plegadow, an ARLOEDH a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy. Hedre vo an nor ow pesya, hasa ha trevas, yeynder ha toemmder, hav ha gwav, dydh ha nos, ny wrons sessya.’

Ena Noy a dhrehevis alter dhe'n ARLOEDH ha kemmeres rann a'n bestes glan ha'n ydhyn glan hag offrynna offrynnow leskys war an alter.

Mes Duw a borthas kov a Noy hag oll an bestes, hag oll an chatel esa ganso y'n gorhel, ha Duw a wrug dhe wyns tremena war an nor ha bashes veu an dowrow.

Ha'n golomm a dheuth dhodho y'n gorthugher, hag awotta, yth esa delenn oliv yr yn hy ganow, may hwodhva Noy bos an dowrow bashes dhiworth an tir.