Beliebte Verse in Jenesis 41

Teilen

Yosep a worthybis Faro, ow leverel, ‘Duw, a-der my, a re dhe Faro gorthyp a gowaledh.’

Hag yn-medh Faro dh'y wesyon, ‘A yllyn ni kavoes gour a'n par ma, hag ynno Spyrys Duw?’

Ytho Faro a leveris dhe Yosep, ‘A-ban wrug Duw diskwedhes hemma oll dhiso, nyns eus denvyth mar dhoeth ha fur avelos. Ty a vydh apoyntys war ow chi, hag oll ow fobel a vydh gostyth dhe'th worhemmynn. Y'n tron yn unnsel, my a vydh brassa agesos jy.’

Ev a elwis hanow an nessa Efraym, ‘rag Duw re wrug dhymm doen frut yn pow ow galarow.’

Ha Yosep a elwis hanow an kynsa-genys Manasse, ‘rag Duw re wrug dhymm ankevi oll ow throbel hag oll chi ow thas.’