Beliebte Verse in Jenesis 25

Teilen

Hag yn-medh an ARLOEDH dhedhi, ‘Yma diw genedhel y'th torr ha diw bobel a vydh rynnys a'th kolodhyon; unn bobel a vydh kreffa es an bobel arall, ha'n kottha a wra servya an yowynka.’

Yn-medh Esaw dhe Yakob, ‘Gas vy dhe eva lemmik a'n kowl rudh ma, my a'th pys, rag skwith ov vy.’ Rag henna y hanow a veu gelwys Edom.

Ysak a bysis war an ARLOEDH rag y wreg, rag anvap o hi, ha'n ARLOEDH a glewas y bysadow ha Rebeka y wreg a gonsevyas.

Yn-medh Esaw, ‘Otta, yth esov yn eneworres; ytho pandr'a amont an gwir genesik dhymm?’ Yn-medh Yakob, ‘To dhymmo hedhyw.’ Ytho ev a dos dhodho, ha gwertha y wir genesik dhe Yakob.

Wosa henna y vroder a dheuth yn-mes ha'y dhorn a synsis gwewenn Esaw; ytho y hanow a veu gelwys Yakob. Ysak o tri-ugens bloedh pan wrug hi aga dineythi.

Ysak a gara Esaw drefenn y helgik a dhybri; mes Rebeka a gara Yakob.