Beliebte Verse in Eksodus 23

Teilen

Hwi a wra servya an ARLOEDH agas Duw, ha my a wra benniga dha vara ha'th towr; ha my a wra kemmeres kleves dhe-ves a-dhiworthis. Ny wra nagonan kammomdhegi na ny vydh benyn dhifroeth y'th tir; niver dha dhydhyow my a gollenow.

Otta, y tannvonav el a-ragos, dhe'th witha war an hyns ha'th tri dhe'n tyller re bareusis.

Mes mar koslowydh yn ta orth y lev ha gul pup-tra a lavarav, ena my a vydh eskar dhe'th eskerens hag erbynner dhe'th erbynnoryon.

Ny wredh holya routh dhe wul drokoleth; na ny wredh dustuni yn ken, ow treylya a-denewen war-lergh lu, rag kammdreylya gwirvreus; na ny faverydh den boghosek yn y gen.

Ny wredh leverel fals dherivas. Na worr dha leuv gans tebelwas, dhe vos fals dhustunier.