Beliebte Verse in Eksodus 20

Teilen

My yw an ARLOEDH dha Dhuw, neb a'th tros yn-mes a bow Ejyp, yn-mes a'n chi a gethneth. Ny vydh dhis duwow erell a-ragov.

Na wra dhis imaj gravys, na furv vytholl a dravyth eus y'n nev a-vann, nag y'n nor a-woeles, nag y'n dowr yn-dann an nor; Na ombleg a-ragdha na'ga servya; rag my an ARLOEDH dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas

Enor dha das ha'th vamm, may fo hir dha dhydhyow y'n tir usi an ARLOEDH dha Dhuw orth y ri dhis.

Porth kov a dhydh an Sabot, dh'y witha sans.

Na gemmer hanow an ARLOEDH dha Dhuw yn euver; rag ny wra an ARLOEDH y asa heb kessydhyans neb a gemmer y hanow yn euver.

Hwegh dydh y lavurydh ha gul oll dha ober; mes an seythves dydh yw Sabot dhe'n ARLOEDH dha Dhuw; ynno ny wredh ober vyth, ty, na dha vab, na dha vyrgh, dha was, na dha vaghteth, na dha jatel, na'n alyon usi a-ji dhe'th yetow

Na wra hwansa chi dha gentrevek na hwansa gwreg dha gentrevek, na'y was, na'y vaghteth, na'y ojyon, na'y asen, na travyth eus dhe'th kentrevek.

Na wra fals dhustuni erbynn dha gentrevek.

Na wra avoutri.

Na wra ladha.

Na wra ladra.