Beliebte Verse in Eksodus 15

Teilen

ow leverel, ‘Mar mynnowgh goslowes yn tiwysyk orth lev an ARLOEDH agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an ARLOEDH agas sawyer.’

An ARLOEDH yw ow nerth ha'm kan, hag ev res eth ha bos ow selwyans; hemm yw ow Duw ha'y wordhya a wrav, Duw ow thas, ha my a'n ughelha.

‘Piw yw haval dhis, A ARLOEDH, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

‘Ty re hembronkas y'th tregeredh an bobel re dhasprensys, ty re's kevarwoedhas dre dha nerth dhe'th trigva sans.

Pan dheuthons bys yn Mara, ny yllens eva dowr Mara, rag y vos trenk; rakhenna y feu gelwys Mara. Ha'n bobel a grodhvolas war Moyses, ow leverel, ‘Pandr'a evyn?’ Hag ev a grias war an ARLOEDH; ha'n ARLOEDH a dhiskwedhas dhodho gwydhenn hag ev a's tewlis y'n dowr, ha'n dowr eth ha bos hweg. Ena an ARLOEDH a wrug dhedha ordenans ha lagha hag ena ev a's provas