Beliebte Verse in Filifai 2

Teilen

Yami sauluva matatabuna 'waidie kebu 'aisemi faifaimi 'wa na nuanua wata kebu taunimi 'wa na awa'ai'aimiga 'ami subia faifaina. We'e mogitana i lubwainemi ma yami nuaobu 'wa na vo, Taunidi bwaikidi, we'e 'ima sai'afo." Kebu 'aisemi yami nuanua faifaidi 'wa na nuanua, siwe wata tomotoga 'ifwaidi yadi nuanua faifaidi 'wa na vevenua'ivina.

I lubwainemi yami nuanua tomotoga 'ifwaidi faifaidi i na vesala Keliso yana nuanua bani'odi. Keliso yana nuanuanidi side bani'odi.

Keliso 'asa'aiana mogitana Yaubada bani'odi, yana vebwaika wata Yaubada yana vebwaika taiadi i vesala, siwe kebu nuanuana i na luve'ove'o'oleni. Kebu 'aisena i da tovoieni, siwe taunina yana 'ai'aiwabu wata yana vebwaika i bailedi, ma yana nuaobu tofolova-maimaiga i salai. I vetomotogaotoga 'ida tomia fwayafwaya bani'odi. Taunina i kiaobuyeni, Yaubada yana nuanua i vematayakeyakeni bega i wafa, yana wafanina 'ai lagalagana 'waineye 'eba bunumayaga.

I lubwainemi bani'odi 'wa na vevesauluvedi fai Yaubada yami nuanua i luluve'ivaudi wata yana toketokena i velevelemi, bega naninidi 'wa na 'i'idewadiga yana 'eba sosoana.

Begaidi Yaubada i silakai ma 'ana ve'ililibu abame i vebwaika-'afo'afo, yana vebwaikanina wata 'ana wagava i veleniga bwaikaotogina kebu tamu aitoi bani'odiga, bega tomotoga matatabudi abame, fwayefwayeye wata towafa yadi 'eba mia 'waineye, ma yadi ve'ililibu i na 'odu'odu Iesu 'waineye. Matatabudi i na lulu'ivona Iesu Keliso taunina Toveimea Bwaikaotogina, yadi ve'ililibunina 'wainega, Yaubada Tamada 'ana subia i na veluagai.

Ava'ai 'wa na 'idewadiga, tutuya matatabuna kebu 'wa na vebonavoluvoluga wata kebu 'wa na ve'ikwayekwayega, nika yami sauluva tonovidi, kebu tamu aitoi i na vevitami sakona faifaina. Bani'odi 'wa na vesauluvediga, 'omi Yaubada natunavo 'atumai'avami, tomotoga dumwedi 'aidi wata yadi sauluva sakoidi 'awasasadie. 'Ubwana abama i magemagetai, 'omi wata bani'odi tomotoganidi yadi nuanua dududubalidi 'wa na kiavemagetadi yami sauluva magemagetadi 'waidiega.

Ekwavo, a nuakalikaliemi. Keliso Yaubada yana nuanua i vematayakeyakediga, nuanuaku 'omi wata bani'odi. Basenadi taiadi ta miamiaga 'wa vevematayakeyakeku, we'e tutuya de'e a 'iawemiga, mogitana i lubwainemi yaku vona 'wa na vematayakeyakedi. Ma yami tokemaiga wata ma yami kololo 'wa na folofolova bega 'ita'ita'inina 'wa veluagaiga vuagina tomotoga i na 'iseni.