Beliebte Verse in Galetia 6

Teilen

Begaidi tutuya matatabuna 'waidie ta na vevesauluva 'atumaina kebu ta na 'abiawa, nika 'awaie 'aiala 'ana tutuye vuaga 'atumaidi ta na veluagadi.

Begaidi egavo ta na 'isedi nuanuadi 'aivaita, i lubwaineda ta na vevesauluva 'atumaina 'waidie, we'e mogitana edavo Keliso yana 'Aila'a 'waidie 'ida ma fueda ta vetumagana 'waineye, ta na 'i'ivaisedi.

'Ai'edi emiavo vita i na veluagadi 'wa na 'ivaisedi. Yami 'aivaita 'waidiega Keliso yana veimea 'wa na vematayakeyakeni.

'Wa na venua'ivina-'atumai nika vona de'e 'wa na 'asetai. Kebu 'ami fata Yaubada 'wa na vekalieni bega sauluva 'atumaidiega yami sakona 'wa na velubwasabwasadi. 'Ai'edi aitoi ava'ai i na bakuliga, naninina 'awaie wata i na alai, wata bani'odi yada sauluva fwayefwayeye 'awaie Yaubada i na tutulidi, 'atumaidi wata 'atumaidi 'waidiega, sakoidi wata sakoidi 'waidiega.

'Ai'edi aitoi taunina yana nuanua sakoidi 'waidie i na bakulaga, 'awaie vuagina i na veluagai wafaotoga. We'e 'ai'edi aitoi taunina i na tauyeni 'Anu'anunu Magemagetana yana nuanua i na 'i'idewadi, 'wa da vo bei i da bakula, vuagina i na veluagai mia 'atumaina wata miamia-vagaina.

Ekwavo, 'ida matatabuda tovetumaganavo, 'ai'edi tamu iada sauluva sakoina 'wainega i na be'u, 'omi kumanimiavo 'Anu'anunu Magemagetana yana nuanua 'adi to'idewadewa, bonami bikadiega tomogonina 'wa na kiavetonovi. We'e 'omi taunimi 'wa na 'i'isave'avinimi, i na nunago sailubu 'wainega tamu sauluva sakoina 'waineye 'omi wata 'wa na be'u.

We'e 'ai'edi aitoi taunina i na awa'ai'aia i na vo, Yau tomogo bwaikiku," we'e mogitana taunina tomogo-'avo'avovo, yana vonanina 'ana nogaya vekali. 'Aitamogana 'aitamogana nagami taunimi yami sauluva 'wa na nuanidi nika 'ami fata 'wa na 'asetadi 'atumaidi 'alo sakoidi. 'Ai'edi 'atumaidi, 'ami fata 'wa na fwausa naninidi 'wa 'idewadiga faifaidi. Wata kebu 'wa na vo, 'Ima yama sauluva 'atumaiotogidi, emavo sai'afo," we'e mogitana i lubwainemi 'aitamogana 'aitamogana taunina yana sauluva i na 'i'isave'avinidi, we'e enavo yadi sauluva kumanina kebu 'adi toveimea.